ദക്ഷിണാഫ്രിക്കയുടെ കഥകഴിച്ചയാളെ പരിചയമുണ്ടോ? ദക്ഷിണാഫ്രിക്ക ഒഴിവാക്കിയപ്പോൾ നെതർലൻഡ്സിൽ ചേക്കേറിയ താരം!

ഇത് അട്ടിമറികളുടെ ലോകകപ്പോ എന്ന് സംശിക്കുന്നവിധമാണ് ഓരോ ദിവസത്തെയും മത്സരങ്ങൾ കടന്നുപോകുന്നത്. ക്രിക്കറ്റിൽ താരതമ്യേന കുഞ്ഞൻമാരായ ടീമുകൾ നിലവിലെ ജേതാക്കളെ ഉൾപ്പടെ അട്ടിമറിക്കുന്നത് കഴിഞ്ഞ ദിവസങ്ങളിൽ നാം കണ്ടു. ആദ്യം ഇംഗ്ലണ്ട് അഫ്ഗാനിസ്ഥാനോട് നാണംകെട്ടപ്പോൾ, ദക്ഷിണാഫ്രിക്കയെ തകർത്ത് നെതർലൻഡ്സാണ് രണ്ടാമത്തെ അട്ടിമറി ജയം സ്വന്തമാക്കിയത്. നെതർലൻഡ്സിനോട് തോറ്റ ദക്ഷിണാഫ്രിക്കയെ തകർക്കാൻ മുന്നിൽനിന്നത് ഒരു മുൻ ദക്ഷിണാഫ്രിക്കൻ താരമായിരുന്നു. റുഡോൾഫ് വാർഡെർ മെർവെ എന്ന 38കാരൻ ബാറ്റുകൊണ്ടും പന്തുകൊണ്ടും ദക്ഷിണാഫ്രിക്കയെ തോൽവിയിലേക്ക് നയിക്കുന്നതിൽ വലിയ സംഭാവന നൽകി.