ഏഷ്യാ കപ്പിന്റെ സമ്മാനത്തുകയേക്കാൾ എട്ട് ഇരട്ടിയോളം വില വരുന്ന വാച്ച്കെട്ടി പരിശീലത്തിനിറങ്ങി ഹാർദിക് പാണ്ഡ്യ

റിച്ചഡ് മിൽ ആർഎം 27–04 വാച്ചാണ് പരിശീലന സമയത്ത് പാണ്ഡ്യ കയ്യിൽ ധരിച്ചിരുന്നത്.ഹാർദിക് ധരിച്ച വാച്ചിന് ഏകദേശം 20 കോടി വിലവരും. ഈ വർഷത്തെ ഏഷ്യാകപ്പ് ടൂർണമെന്റിൽ വിജയിക്കുന്ന ടീമിന് 3 ലക്ഷം യുഎസ് ഡോളർ അഥവാ 2.6 കോടി രൂപ സമ്മാനമായി ലഭിക്കുമെന്നാണ് റിപ്പോർട്ട്. അതായത് ഹാർദിക് പാണ്ഡ്യയുടെ വാച്ചിന്റെ വില ടൂർണമെന്റിലെ ജേതാക്കൾക്ക് ലഭിക്കുന്ന തുകയെക്കാൾ ഏതാണ്ട് 8 ഇരട്ടി കൂടുതലാണ്.

ടെന്നീസ് ഇതിഹാസം റാഫേൽ നദാലുമായി സഹകരിച്ച് നിർമ്മിച്ച അൾട്രാ-എക്‌സ്‌ക്ലൂസീവ് വാച്ചാണിത്. ഈ വാച്ച് മോഡലിന്റെ 50 എണ്ണം മാത്രമാണ് കമ്പനി ഇതുവരെ പുറത്തിറക്കിയിട്ടുള്ളത്.ഈ വാച്ചിന്റെ ഭാരം വെറും 30 ഗ്രാം മാത്രമാണ്. 12,000 ഗ്രാം ഫോഴ്‌സിൽ കൂടുതൽ മർദ്ദം താങ്ങാനുള്ള ശേഷി ഇതിനുണ്ട്. ആദ്യമായല്ല പാണ്ഡ്യ ആഡംബര വാച്ച് ധരിച്ച് കളിക്കാനിറങ്ങുന്നത്. ഈ വർഷത്തിന്റെ തുടക്കത്തിൽ, പ്രധാന മത്സരങ്ങളിൽ ഏകദേശം 7 കോടി രൂപ വിലമതിക്കുന്ന റിച്ചാർഡ് മില്ലെ RM 27-02 വാച്ച് ധരിച്ച് അദ്ദേഹം കളിക്കുന്നതിന്റെ ദൃശ്യങ്ങളും പുറത്തുവന്നിരുന്നു.