ICC World cup 2019: ലോകചാംപ്യൻമാരെ തീരുമാനിച്ചത് ബൗണ്ടറി നിയമം; അറിയേണ്ട കാര്യങ്ങൾ

ലോർഡ്സ്: പന്ത്രണ്ടാമത് ലോകകപ്പ് ഫൈനലിൽ ന്യൂസിലൻഡിനെ പരാജയപ്പെടുത്തി ഇംഗ്ലണ്ട് കന്നി കിരീടം നേടി. നിശ്ചിത ഓവറുകൾക്കുശേഷവും ഇരു ടീമുകളും സ്‌കോറിൽ സമനില പാലിച്ചതോടെയാണ് മത്സരം ഏറെ നാടകീയമായ സൂപ്പർ ഓവറിലേക്ക് കടന്നത്. എന്നാൽ ആവേശം വാനോളം ഉയർന്നപ്പോൾ അവിടെയും സമനില കൈവിടാതെയായിരുന്നു ഇരു ടീമുകളുടെയും പോരാട്ടം കലാശിച്ചത്. ഐസിസിയുടെ പുതിയ നിയമപ്രകാരം സൂപ്പർ ഓവറിലും ടൈ ആയാൽ മത്സരത്തിൽ ഉടനീളം(നിശ്ചിത ഓവറിലും സൂപ്പർ ഓവറിലും) ഏറ്റവുമധികം ബൗണ്ടറികൾ നേടുന്ന ടീം ജയിക്കും. ഈ മാനദണ്ഡം അടിസ്ഥാനമാക്കിയാണ് കൂടുതൽ ബൗണ്ടറികൾ നേടിയ ഇംഗ്ലണ്ട് ലോക ചാമ്പ്യന്മാരായത്.