AI ഉപയോഗിച്ച് ദുരുപയോഗം; 2.5 കോടി രൂപ നഷ്ടപരിഹാരം ആവശ്യപ്പെട്ട് ഗൗതം ഗംഭീർ കോടതിയിൽ

AI ഉപയോഗിച്ച് വ്യക്തിത്വം ചെയ്യുന്നതിനെതിരെ ഇന്ത്യൻ ക്രിക്കറ്റ് ടീം മുഖ്യപരിശീലകൻ ഗൗതം ഗംഭീർ ഡൽഹി ഹൈക്കോടതിയിൽ സിവിൽ സ്യൂട്ട് ഫയൽ ചെയ്തു. 2.5 കോടി രൂപ നഷ്ടപരിഹാരം ആവശ്യപ്പെട്ടാണ് കേസ് ഫയൽ ചെയ്തത്. ആർട്ടിഫിഷ്യൽ ഇന്റലിജൻസ് (AI) ടൂളുകൾ ഉപയോഗിച്ച് ഇൻസ്റ്റാഗ്രാം, എക്സ് (X), യൂട്യൂബ് തുടങ്ങിയ സോഷ്യൽ മീഡിയ പ്ലാറ്റ്‌ഫോമുകളിൽ തന്റെ വ്യാജ വീഡിയോകൾ നിർമ്മിച്ചെന്നാണ് ഗംഭീറിന്റെ പരാതി. താൻ ഒരിക്കലും പറയാത്ത കാര്യങ്ങൾ പറയുന്നതായി കാണിക്കുന്ന നിരവധി വീഡിയോകൾ പ്രചരിക്കുന്നുണ്ടെന്നും ഇതിൽ രാജിക്കത്ത് എന്ന പേരിൽ പ്രചരിച്ച ഒരു വീഡിയോയ്ക്ക് 29 ലക്ഷത്തിലധികം കാഴ്ചക്കാരുണ്ടായെന്നും പരാതിയിൽ പറയുന്നു. മുതിർന്ന താരങ്ങളുടെ ലോകകപ്പ് പങ്കാളിത്തത്തെക്കുറിച്ച് അദ്ദേഹം സംസാരിക്കുന്നതായി തോന്നിപ്പിക്കുന്ന മറ്റൊരു വീഡിയോ 17 ലക്ഷത്തിലധികം പേർ കണ്ടു.