IND vs SA 3rd T20: സഞ്ജു സാംസന് തുടർച്ചയായ 2 സെഞ്ചുറി റെക്കോഡിന് പിന്നാലെ തുടർച്ചയായ 2 ഡക്ക് റെക്കോഡ്

തുടര്‍ച്ചയായ രണ്ടാം മത്സരത്തിലും പൂജ്യത്തിന് പുറത്തായതോടെ നാണക്കേടിന്‍റെ റെക്കോര്‍ഡും സഞ്ജുവിന്‍റെ തലയിലായി. ഇതോടെ ഈ വർഷം അഞ്ച് കളികളിലാണ് സഞ്ജു പൂജ്യത്തിനു പുറത്തായത്. ജനുവരിയിൽ അഫ്​ഗാനിസ്താനെതിരായ മത്സരത്തിലും ജൂലായിൽ ശ്രീലങ്കയ്ക്ക് എതിരായ രണ്ട് മത്സരത്തിലും സഞ്ജു ഡക്കായിരുന്നു. ഒരേ കലണ്ടർ വർഷം രാജ്യാന്തര ട്വന്റി20യിൽ രണ്ടു സെഞ്ചറിയും അ‍ഞ്ച് ഡക്കും എന്ന മോശം റെക്കോഡും താരത്തിന്റെ പേരിലായി. നേരത്തെ ദക്ഷിണാഫ്രിക്കയ്‌ക്കെതിരായ ട്വന്റി 20 ക്രിക്കറ്റ് പരമ്പരയിലെ ആദ്യ മത്സരത്തിൽ 10 സിക്‌സ് ഉൾപ്പെടെ കേവലം 47 പന്തിലാണ് സഞ്ജു സാംസൺ സെഞ്ചുറി തികച്ചത്.