T20 world cup| അര്‍ധസെഞ്ചുറി തികച്ച് കോഹ്ലി; ദക്ഷിണാഫ്രിക്കയ്ക്ക് 177 റണ്‍സ് വിജയലക്ഷ്യം

ടി20 ലോകകപ്പ് ഫൈനലിൽ 177 റൺസ് നേടി രോഹിത്തും സംഘവും. ടോസ് നേടി ബാറ്റിങ് തിരഞ്ഞെടുത്ത ഇന്ത്യ നിശ്ചിത 20 ഓവറിൽ ഏഴ് വിക്കറ്റ് നഷ്‍ടത്തിലാണ് 176 റൺസെടുത്തത്. തുടക്കം നിരാശയായിരുന്നെങ്കിലും കോലിയും അക്ഷറും വന്നതോടെ ഗംഭീര പ്രകടനമാണ് കാഴ്ചവച്ചത്. മൂന്നാം വിക്കറ്റില്‍ 72 റണ്‍സിന്റെ കൂട്ടുകെട്ടാണ് ഇരുവരും ചേര്‍ന്ന് പടുത്തുയര്‍ത്തിയത്. അര്‍ധസെഞ്ചുറി തികച്ച കോലിയും അര്‍ധസെഞ്ചുറിയ്ക്കരികെ വീണുപോയ അക്ഷറുമാണ് ടീമിന് തുണയായത്.