IND vs NZ | മുംബൈ ടെസ്റ്റിൽ ഇന്ത്യ പിടിമുറുക്കുന്നു; കിവീസിന് ബാറ്റിംഗ് തകർച്ച; എട്ട് വിക്കറ്റ് നഷ്ടം

ന്യൂസിലൻഡ് നിരയിൽ അജാസ് ഒറ്റയാൾ പട്ടാളമായപ്പോൾ ഇന്ത്യയുടെ മറുപടി കൂട്ടാക്രമണമായിരുന്നു. ഇന്ത്യൻ ബൗളർമാരുടെ കൂട്ടാക്രമണത്തിന് മുന്നിൽ പകച്ച് പോവുകയായിരുന്നു ന്യൂസിലൻഡ് ബാറ്റർമാർ.

ഇന്ത്യൻ സ്കോർ പിന്തുടർന്ന് ഇറങ്ങിയ കിവീസിനെ തകർച്ചയിലേക്ക് തള്ളി വിട്ടത് മൂന്ന് വിക്കറ്റുകൾ വീഴ്ത്തിയ സിറാജിന്റെ പ്രകടനമായിരുന്നു. ടോം ലാഥം (10), വിൽ യങ് (4), റോസ് ടെയ്‌ലർ (1) എന്നിവരെ പുറത്താക്കിയാണ് സിറാജ് ന്യൂസിലൻഡിനെ ഞെട്ടിച്ചത്. സിറാജ് തുടങ്ങി വെച്ചത് മറ്റ് ഇന്ത്യൻ ബൗളർമാർ ഏറ്റെടുക്കുന്ന കാഴ്ചയാണ് കണ്ടത്. സിറാജിന് ശേഷം അശ്വിന്റെ ഊഴമായിരുന്നു. ആദ്യത്തെ വരവിൽ ഒരു വിക്കറ്റ് വീഴ്ത്തിയ അശ്വിൻ പിന്നീടുള്ള വരവിൽ ഒരോവറിൽ തന്നെ രണ്ട് വിക്കറ്റുകൾ നേടി കിവീസിനെ തകർച്ചയിൽ നിന്നും കരകയറാൻ അനുവദിക്കാതെ തളച്ചിടുകയായിരുന്നു. ഇതുവരെ എട്ട് കിവീസ് വിക്കറ്റുകളാണ്‌ ഇന്ത്യ പിഴുതത്. അശ്വിനും സിറാജു൦ ചേർന്ന് ആറ് വിക്കറ്റ് വീഴ്ത്തിയപ്പോൾ മറ്റ് രണ്ട് വിക്കറ്റുകൾ അക്‌സർ പട്ടേലും ജയന്ത് യാദവും കൂടി നേടി.

Also read- Ajaz Patel| ടെസ്റ്റ് ക്രിക്കറ്റിൽ ചരിത്രമെഴുതി അജാസ് പട്ടേൽ; ഒരു ഇന്നിങ്സിൽ 10 വിക്കറ്റ്; ജിം ലോക്കറിനും കുംബ്ലെക്കും പിൻഗാമി