IND vs WI 1st ODI: വിൻഡീസിന് മോശം തുടക്കം; പിടിമുറുക്കി ഇന്ത്യ

ബ്രിഡ്ജ്ടൗണ്‍: വെസ്റ്റിൻഡീസിനെതിരായ ഏകദിന പരമ്പരയിലെ ആദ്യ മത്സരത്തില്‍ ഇന്ത്യയ്ക്ക് തുടക്കത്തിലേ മേൽക്കൈ. ടോസ് നേടി ആദ്യം ബോളിങ് തെരഞ്ഞെടുത്ത ഇന്ത്യൻ നായകൻ രോഹിത് ശർമ്മയുടെ തീരുമാനം ശരിയെന്ന് തെളിയിക്കുംവിധമാണ് ബോളർമാർ പന്തെറിയുന്നത്. ഒടുവിൽ വിവരം ലഭിക്കുമ്പോൾ വിൻഡീസ് 17.4 ഓവറിൽ ആറ് വിക്കറ്റ് നഷ്ടത്തിൽ 96 റൺസ് നേടിയിട്ടുണ്ട്. മൂന്ന് വിക്കറ്റെടുത്ത ജഡേജയാണ് വിൻഡീസിന്‍റെ നടുവൊടിച്ചത്.