IPL 2021 | കാലില്‍ നിന്ന് ചോരയൊലിച്ചിട്ടും തകര്‍പ്പന്‍ ക്യാച്ചുമായി ഡു പ്ലെസ്സിസ്, പിന്നീട് തകര്‍ത്തടിച്ച് ടോപ് സ്‌കോറര്‍, വീഡിയോ

രവീന്ദ്ര ജഡേജയുടെ വെടിക്കെട്ട് പ്രകടനത്തിൽ കൊൽക്കത്ത നൈറ്റ് റൈഡേഴ്സിനെതിരെ രണ്ട് വിക്കറ്റ് ജയം നേടി ചെന്നൈ സൂപ്പർ കിങ്‌സ്. തുടക്കത്തിൽ മിന്നിയ ശേഷം തുടരെ വിക്കറ്റുകൾ നഷ്ടപ്പെട്ട് തോൽവിയിലേക്ക് നീങ്ങിയ ചെന്നൈയെ ജഡേജയുടെ വെടിക്കെട്ട് പ്രകടനമാണ് രക്ഷിച്ചെടുത്തത്. അവസാന പന്ത് വരെ നീണ്ട് നിന്ന ആവേശപ്പോരാട്ടത്തിൽ ദീപക് ചാഹറാണ് ചെന്നൈയുടെ വിജയറൺ നേടിയത്. തുടർച്ചയായ മൂന്നാം മത്സരത്തിലും വിജയക്കുതിപ്പ് തുടർന്ന ചെന്നൈ 16 പോയിന്റ് നേടി പോയിന്റ് ടേബിളിൽ ഒന്നാം സ്ഥാനത്തെത്തുകയും ഒപ്പം പ്ലേഓഫ് യോഗ്യത ഉറപ്പിക്കുകയും ചെയ്തു.