IPL 2025 | ഐപിഎൽ മത്സരക്രമമായി; ആദ്യപോരാട്ടം മാർച്ച് 22ന് കൊൽക്കത്തയും ബെംഗളൂരുവും തമ്മിൽ; ഫൈനൽ ഈഡൻ ഗാർഡൻസിൽ

ഇന്ത്യൻ പ്രീമിയർ ലീഗിന്റെ (IPL) 2025 മത്സരങ്ങളുടെ ഫിക്സ്ചർ ഇന്ത്യൻ ക്രിക്കറ്റ് കൺട്രോൾ ബോർഡ് (BCCI) ഞായറാഴ്ച  ഔദ്യോഗികമായി പുറത്തുവിട്ടു . ഇന്ത്യയിലെ 13 വേദികളിലായി 10 ടീമുകൾ തമ്മിൽ ആകെ 74 മത്സരങ്ങളാണ് നടക്കുക. മാർച്ച് 22 ന് കൊൽക്കത്തയിലെ ഈഡൻ ഗാർഡൻസിൽ നടക്കുന്ന ഐപിഎൽ 2025 ലെ ആദ്യ മത്സരത്തിൽ നിലവിലെ ചാമ്പ്യന്മാരായ കൊൽക്കത്ത നൈറ്റ് റൈഡേഴ്‌സ് റോയൽ ചലഞ്ചേഴ്‌സ് ബെംഗളൂരുവിനെ നേരിടും. മെയ് 25 ഞായറാഴ്ച ഇതേ വേദിയിൽ തന്നെയാണ് ഫൈനലും നടക്കുക. കഴിഞ്ഞ രണ്ട് വർഷങ്ങളിലേതുപോലെ ഐ‌പി‌എൽ ഫൈനൽ  നിലവിലെ ചാമ്പ്യന്മാരായ ടീമിന്റെ ഹോം ഗ്രൌണ്ടിലാണ് നടക്കുന്നത്. .