സച്ചിൻ തെൻഡുൽക്കറുടെ റെക്കോർഡ് തകർത്ത് ഇഷാൻ കിഷൻ; ഏകദിനത്തിൽ ചരിത്രം കുറിച്ചത് ഓപ്പണറായി

വെസ്റ്റ് ഇൻഡീസിനെതിരായ രണ്ടാം ഏകദിനത്തിൽ ഇന്ത്യ പരാജയപ്പെട്ടെങ്കിലും ഇഷാൻ കിഷൻ തുടർച്ചയായി രണ്ടാം മത്സരത്തിലും അർധസെഞ്ചുറി നേടി റെക്കോർഡ് സൃഷ്ടിച്ചിരിക്കുകയാണ്. അതും ക്രിക്കറ്റ് ഇതിഹാസ താരം സച്ചിൻ തെൻഡുൽക്കറെ മറികടന്നുകൊണ്ടാണ് താരം ഈ നേട്ടം സ്വന്തമാക്കിയത്. ആദ്യ അഞ്ച് ഏകദിന മത്സരങ്ങളിൽ 348 റൺസുമായി ഓപ്പണറെന്ന നിലയിൽ ഏറ്റവും കൂടുതൽ റൺസ് നേടിയ ഇന്ത്യൻ ബാറ്റ്‌സ്മാൻ എന്ന പേരാണ് ഇഷാൻ നേടിയത്. എന്നാൽ ആദ്യത്തെ 5 ഇന്നിങ്സില്‍ സച്ചിൻ നേടിയത് 321 റണ്‍സായിരുന്നു. ഇതിനെയാണ് ഇഷാൻ കിഷൻ ഇപ്പോൾ മറികടന്നിരിക്കുന്നത്.