അശ്വിൻ, കുംബ്ലെ, കപിൽ എന്നിവർക്ക് ശേഷം ഇംഗ്ളണ്ടിനെതിരെ ഈ നേട്ടം കൊയ്യുന്ന ബൗളറായി ജസ്പ്രീത് ബുംറ

മാഞ്ചസ്റ്ററിലെ ഓൾഡ് ട്രാഫോർഡിൽ ഇംഗ്ലണ്ടിനെതിരെ നടക്കുന്ന നാലാം ടെസ്റ്റിൽ ഇന്ത്യയുടെ ബൗളിംഗ് ആക്രമണത്തിന് നേതൃത്വം നൽകുന്നത് ലോക ഒന്നാം നമ്പർ ടെസ്റ്റ് ബൗളർ ജസ്പ്രീത് ബുംറയാണ്. വെള്ളിയാഴ്ച (ജൂലൈ 25) 19 പന്തിൽ നിന്ന് 9 റൺസ് നേടിയ ഇംഗ്ളണ്ട് ബാറ്റ്സ്മാൻ ജാമി സ്മിത്തിനെ പുറത്താക്കിയാണ് ബുംറ അക്കൗണ്ട് തുറന്നത്.തുടർന്ന് ലിയാം ഡോസണിന്റെ വിക്കറ്റും ബുംറ നേടി.നാലാം ദിവസം രാവിലെയുള്ള സെഷനിൽ ഡോസണിന്റെ വിക്കറ്റ് നേടിയതോടെ അന്താരാഷ്ട്ര ക്രിക്കറ്റിൽ ഇംഗ്ലണ്ടിനെതിരെ ബുംറയുടെ വിക്കറ്റ് നേട്ടം 100ൽ എത്തി. ഇംഗ്ലീഷ് ടീമിനെതിരെയുള്ള ബുംറയുടെ 29-ാമത്തെ മത്സരമാണ് നിലവിൽ മാഞ്ചസ്റ്ററി നടക്കുന്നത്. കപിൽ ദേവ്, രവിചന്ദ്രൻ അശ്വിൻ, രവീന്ദ്ര ജഡേജ എന്നിവർക്ക് ശേഷം ഇംഗ്ളണ്ടിനെതിരെ 100ലധികം വിക്കറ്റുകൾ നേടുന്ന നാലാമത്തെ ഇന്ത്യൻ ബൗളറായി മാറയിരിക്കുകയാണ് ബുംറ