• HOME
  • »
  • NEWS
  • »
  • sports
  • »
  • Santosh Trophy 2022| സന്തോഷ് ട്രോഫി ഫുട്ബോൾ: 20 അംഗ കേരള ടീമിനെ പ്രഖ്യാപിച്ചു; ജിജോ ​​ജോസഫ് ക്യാപ്റ്റൻ

Santosh Trophy 2022| സന്തോഷ് ട്രോഫി ഫുട്ബോൾ: 20 അംഗ കേരള ടീമിനെ പ്രഖ്യാപിച്ചു; ജിജോ ​​ജോസഫ് ക്യാപ്റ്റൻ

സന്തോഷ്‌ ട്രോഫിയിൽ ഏഴാംകിരീടം തേടിയാണ്‌ മഞ്ചേരി പയ്യനാട്‌ സ്റ്റേഡിയത്തിൽ ടീം ഇറങ്ങുക.

  • Share this:
    കോഴിക്കോട്: സന്തോഷ് ട്രോഫി (Santosh Trophy 2022) ഫുട്ബോൾ ചാമ്പ്യൻഷിപ്പിനുള്ള 20 അംഗ കേരള ടീമിനെ (Kerala Team) പ്രഖ്യാപിച്ചു. ജിജോ ​​ജോസഫാണ് (Jijo Joseph) ടീം ക്യാപ്റ്റൻ. 13 പേർ പുതുമുഖങ്ങളാണ്. 30 അംഗങ്ങളുടെ ക്യാമ്പിൽ നിന്നാണ് 20 പേരെ തെരഞ്ഞെടുത്തത്. 2017-18 വർഷത്തെ കിരീടനേട്ടം മലപ്പുറത്ത് ആവർത്തിക്കാൻ ഒരുങ്ങുകയാണ് കേരളം.

    സന്തോഷ്‌ ട്രോഫിയിൽ ഏഴാംകിരീടം തേടിയാണ്‌ മഞ്ചേരി പയ്യനാട്‌ സ്റ്റേഡിയത്തിൽ ടീം ഇറങ്ങുക. 1993ന് ശേഷം സ്വന്തം മണ്ണില്‍ കപ്പ് നേടുമോ എന്ന് കാത്തിരിക്കുകയാണ് ആരാധകരും.  പ്രിൽ 16ന്‌ രാത്രി എട്ടിന്‌ രാജസ്ഥാനുമായാണ്‌ ആദ്യകളി. കോഴിക്കോട്‌ കോർപറേഷൻ സ്റ്റേഡിയത്തിൽ അവസാനഘട്ട പരിശീലനത്തിലാണ്‌ ടീമിപ്പോൾ.

    പഞ്ചാബ്, പശ്ചിമ ബംഗാൾ, മേഘാലയ, രാജസ്ഥാൻ എന്നിവർക്കൊപ്പം ഗ്രൂപ്പ് എയിലാണ് കേരളമുള്ളത്. ഏപ്രിൽ 16 മുതൽ മേയ് 2 വരെയാണ് മത്സരങ്ങൾ നടക്കുക.

    ടീം: 

    ഗോൾകീപ്പർമാർ: വി. മിഥുൻ, എസ്. ഹജ്മൽ

    പ്രതിരോധനിര: ജി സഞ്ജു, സോയൽ ജോഷി, ബിപിൻ അജയൻ, മുഹമ്മദ് സഹീഫ്, അജയ് അലക്സ്, സൽമാൻ കള്ളിയത്ത്

    മധ്യനിര: ജിജോ ജോസഫ് (ക്യാപ്റ്റൻ), അർജുൻ ജയരാജ്, പി  അഖിൽ, ഫസലുറഹ്മാൻ, ഷിഖിൽ, പി എൻ നൗഫൽ, നിജോ ഗിൽബർട്ട്, കെ മുഹമ്മദ് റാഷിദ്.

    മുന്നേറ്റ നിര: എം വി​ഘ്നേഷ്, ടി കെ ജെസിൻ, മുഹമ്മദ് സഫ്നാദ്, മുഹമ്മദ് ബാസിത്,

    കോച്ച്: ബിനോ ജോർജ്

    English Summary: Kerala team for the Santosh Trophy final round was announced on wednesday. Midfielder Jijo Joseph will lead the 2- member team. Kerala are eyeing their seventh title overall and first on home soil since 1993
    Published by:Rajesh V
    First published: