‘അല്ല ഗഡിയേ നാട്ടിൽ എവിടെയാ?’; ഫിഫയുടെ അഡ്മിനെ മലയാളികള്‍ തിരയുന്നു

മലയാളികൾക്ക് ഫുട്ബോൾ വികാരമാണ്. എന്നാൽ മലയാളികളില്ലാതെ എന്ത് ആഘോഷം എന്ന് ചിന്തിക്കാൻ പറ്റില്ലെന്ന അവസ്ഥയാണ് ഫിഫ ഇപ്പോള്‍. ഇതിനു ഉദാഹരണമാണ് കഴിഞ്ഞ കുറച്ച് നാളുകളായി ഫിഫ വേൾഡ് കപ്പിലെ മലയാളി സാനിധ്യം. കുറച്ച് ദിവസം മുൻപ് ഫിഫ ലോകകപ്പിന്റെ ഔദ്യോഗിക പേജിൽ കയറിയ മലയാളികൾക്ക് അഭിമാനിക്കാവുന്ന നിമിഷമായിരുന്നു. കേരളത്തിൽ നിന്നുള്ള ബ്രസീൽ, അർജന്റീന,പോര്‍ച്ചുഗല്‍ ഫാൻസ്‌ ആറിനു കുറുകെ അവരുടെ പ്രിയ കാൽപന്ത് ദൈവങ്ങളുടെ കൂറ്റൻ കട്ടൗട്ടുകൾ നിർത്തിയിരിക്കുന്ന ചിത്രം ഫിഫയുടെ പേജിലെത്തിയത്.