മനുഭാകറിനും ഗുകേഷിനും ഹർമൻപ്രീത് സിങ്ങിനും പ്രവീൺ കുമാറിനും ഖേൽ രത്ന; മലയാളി നീന്തൽ താരം സജൻ പ്രകാശിന് അര്‍ജുന

ന്യൂ‍ഡൽഹി: ദേശീയ കായിക പുരസ്കാരങ്ങൾ പ്രഖ്യാപിച്ചു. ഷൂട്ടിങ് താരം മനു ഭാകർ, ചെസ് താരം ഡി ഗുകേഷ്, ഹോക്കി താരം ഹർമൻപ്രീത് സിങ്, പാരാലിംപിക്സ് താരം പ്രവീൺ കുമാർ എന്നിവര്‍ക്ക് ഖേൽരത്ന പുരസ്കാരം നൽകുമെന്ന് കേന്ദ്ര കായിക മന്ത്രാലയം പ്രഖ്യാപിച്ചു. മലയാളി നീന്തൽ താരം സജൻ പ്രകാശ് അർജുന അവാർഡ് നൽകും. സജൻ പ്രകാശ് ഉൾപ്പടെ 32 പേർക്കാണ് അർജുന അവാർഡ് നൽകുക. ജനുവരി 17ന് രാഷ്ട്രപതി ഭവനിൽവച്ചു നടക്കുന്ന ചടങ്ങിൽ പുരസ്കാരങ്ങൾ വിതരണം ചെയ്യും. മലയാളി ബാഡ്മിന്റണ്‍ പരിശീലകൻ എസ് മുരളീധരൻ ഉൾപ്പെടെ അഞ്ചുപേർക്ക് ദ്രോണാചാര്യ പുരസ്കാരവും ലഭിച്ചു.