'ടി20 കൈവിടില്ല'; കുട്ടി ക്രിക്കറ്റില്‍ തിരിച്ചടിക്കാന്‍ 14 അംഗ സംഘത്തെ പ്രഖ്യാപിച്ച് ന്യുസിലന്‍ഡ്

വെല്ലിംഗ്ടണ്‍: ഇന്ത്യക്കെതിരായ അഞ്ചു മത്സരങ്ങളുടെ ഏകദിന പരമ്പരയില്‍ ആദ്യ മൂന്നു മത്സരങ്ങള്‍ കഴിഞ്ഞപ്പോള്‍ തന്നെ ടൂര്‍ണ്ണമെന്റ് കൈവിട്ട ന്യൂസിലന്‍ഡ് ടി20യില്‍ തിരിച്ചടിക്കാന്‍ വന്‍മാറ്റങ്ങളുമായി ടീമിനെ പ്രഖ്യാപിച്ചു. വെല്ലിംഗ്ടണില്‍ ഫെബ്രുവരി ആറിന് ആരംഭിക്കുന്ന ടി20 പരമ്പരയ്ക്ക് 14 അംഗ സംഘത്തെയാണ് കിവീസ് പ്രഖ്യാപിച്ചിരിക്കുന്നത്. ശ്രീലങ്കക്കെതിരായ ടി20 മത്സരത്തില്‍ ഉള്‍പ്പെടാതിരുന്ന നായകന്‍ കെയ്ന്‍ വില്യംസണിന്റെ തിരിച്ചുവരവാണ് ടീം പ്രഖ്യാപനത്തിലെ പ്രധാന സവിശേഷത.