സിക്സടിയിൽ ക്രിസ് ഗെയിലിന്റെ റെക്കോഡ് തിരുത്തി നിക്കോളാസ് പൂരൻ

Published by:Nandu Krishnan
news18-malayalam

Last Updated:Sep 01, 2024 5:13 PM IST

2015ൽ ക്രിസ്ഗെയിൽ കുറിച്ച 135 സിക്സറുകളായിരുന്നു ഇതുവരെയുള്ള റെക്കോഡ്

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

+ Follow usOn Google

ടി 20 ക്രിക്കറ്റിലെ സിക്സടി വീരനായ വെസ്റ്റിൻഡീസ് താരം സാക്ഷാൽ ക്രിസ് ഗെയിലിന്റെ റെക്കോഡ് തിരുത്തിക്കുറിച്ചിരിക്കുകയാണ് സൂപ്പർ ഫോമിൽ തുടരുന്ന മറ്റൊരു വെസ്റ്റിൻഡീസ് താരമായ നിക്കോളാസ് പൂരൻ. ടി20 യിൽ ഒരു കലണ്ടർ വർഷം ഏറ്റവും കൂടുതൽ സിക്സറുകൾ നേടിടുന്ന താരമെന്ന റെക്കോഡാണ് നിക്കോളാസ് പൂരൻ സ്വന്തം പേരിൽ എഴുതി ചേർത്തത്. കരീബിയൻ പ്രീമിയർ ലീഗിൽ കഴിഞ്ഞ ദിവസം നടന്ന മത്സരത്തിലാണ് പൂരൻ ക്രിസ്ഗെയിലിന്റെ റെക്കോഡ് തിരുത്തിക്കുറിച്ചത്.

ലീഗിലെ ട്രിൻ ബാഗോ നൈറ്റ് റൈഡേഴ്സ്- സെൻ്റ് കിറ്റ്സ് ആൻ്ഡ് നെവിസ് പാട്രിയോസ് മത്സരത്തിലാണ് പുരൻ തന്റെ റെക്കോഡ് സിക്സർ പറത്തിയത്. മത്സരത്തിൽ സെൻ്റ് കിറ്റ്സ് ആൻ്ഡ് നെവിസ് പാട്രിയോസിനെതിരെ 9 കിടിലൻ സിക്സ്റുകളാണ് പൂരൻ നേടിയത്. ഇതോടെ ഈവർഷം 139 സിക്സറുകളാണ് പൂരൻ തന്റെ പേരിൽ ചേർത്തത് .2015ൽ ക്രിസ്ഗെയിൽ കുറിച്ച 135 സിക്സറുകളായിരുന്നു ഇതുവരെയുള്ള റെക്കോഡ്.

ദേശീയ ടീമിനടക്കം 9 ടി20 ടീമുകൾക്കായി പാഡണിഞ്ഞ നിക്കോളാസ് പൂരൻ 58 മത്സരങ്ങളിൽ നിന്നാണ് 139 സിക്സറുകൾ നേടിയത്.13 അർദ്ധ സെഞ്ചുറികളും നേടി. എന്നാൽ ഈ വർഷം ഇതു വരെ ഒരു സെഞ്ചുറി നേടാൻ താരത്തിനായില്ല.58 മത്സരങ്ങളിൽ നിന്നായി 1844 റൺസും ഇതുവരെ പൂരൻ അടിച്ചു കൂട്ടിയിട്ടുണ്ട്

ടി20യിൽ ഒരു കലണ്ടർ വർഷം എറ്റവും കൂടുതൽ സിക്സുകൾ നേടിയവർ

നിക്കോളാസ് പൂരൻ-139*- 2024

ക്രിസ് ഗെയിൽ- 135-2015

ക്രിസ് ഗെയിൽ -121-2012

ക്രിസ് ഗെയിൽ-116-2011

ക്രിസ് ഗെയിൽ-112-2016

ക്രിസ് ഗെയിൽ- 101-2017

ആന്ദ്രേ റസൽ-101-2019

ക്രിസ് ഗെയിൽ-100-2013

ഗ്ളെൻ ഫിലിപ്സ്-97-2021

കീറോൺ പോള്ളാർഡ്-96-2019