'ഒന്നും അസാധ്യമല്ല': പാരീസ് ഒളിംപിക്സ് മെഡൽ ജേതാക്കളെ ആദരിക്കുന്ന 'യുണൈറ്റഡ് ഇൻ ട്രയംഫ്' പരിപാടിയിൽ ഇന്ത്യൻ വനിതാ അത്‌ലറ്റുകളോട് നിതാ അംബാനി

“കഴിഞ്ഞ രണ്ട് മാസമായി, ഞങ്ങളുടെ ഒളിമ്പ്യൻമാരും പാരാലിമ്പ്യന്മാരും അഭിമാനത്തോടെ ത്രിവർണ്ണ പതാക ലോകത്തിലേക്ക് കൊണ്ടുപോയി! ഇന്ന് രാത്രി, ആദ്യമായി, എല്ലാവരും ഒരു കുടക്കീഴിൽ. ഇന്ന് രാത്രി, ആദ്യമായി ഒരേ പ്ലാറ്റ്‌ഫോമിൽ ഒത്തുചേരുന്ന 140-ലധികം ഒളിമ്പിക്, പാരാലിമ്പിക് അത്‌ലറ്റുകൾ ഉണ്ട്. യുണൈറ്റഡ് ഇൻ ട്രയംഫ്, യുണൈറ്റഡ് ഇൻ സെലിബ്രേഷൻ, യുണൈറ്റഡ് ഇൻ ഇൻക്ലൂസീവ് സ്പിരിറ്റ് ഓഫ് സ്പോർട്സ്.” - നിതാ അംബാനി പറഞ്ഞു.

'സ്‌പോർട്‌സിൻ്റെ പരിവർത്തന ശക്തി'യെ കുറിച്ച് സംസാരിച്ച നിതാ അംബാനി രാജ്യത്തിൻ്റെ ഒളിമ്പിക് വിജയങ്ങളിൽ ഇന്ത്യയുടെ വനിതാ അത്‌ലറ്റുകളുടെ സംഭാവനയെ അഭിനന്ദിക്കുകയും ചെയ്തു. “പ്രൊഫഷണൽ കായികരംഗത്ത് സ്ത്രീകൾ നേരിടുന്ന ബുദ്ധിമുട്ടുകൾ കാരണം അവരുടെ വിജയങ്ങൾ കൂടുതൽ സവിശേഷമാണ്. സാമ്പത്തിക വെല്ലുവിളികൾ മാത്രമല്ല, അവരുടെ കുടുംബാംഗങ്ങളിൽ നിന്ന് അനുമതി നേടുക, അല്ലെങ്കിൽ പരിശീലനത്തിനുള്ള സൗകര്യങ്ങൾ കണ്ടെത്തുക, ഫിസിയോകളിലേക്കും പരിശീലനത്തിനും എത്താൻ എടുക്കുന്ന വെല്ലുവിളികകൾ എന്നിവയും നിത അംബാനി എടുത്ത് പറഞ്ഞു.   സ്പോർട്‌സിൽ അംഗീകാരം നേടുന്നതിന് പെൺകുട്ടികൾക്ക് ദീർഘവും ബുദ്ധിമുട്ടുള്ളതുമായ യാത്രയാണിത്. എന്നിട്ടും നമ്മുടെ വനിതാ കായികതാരങ്ങൾ വിജയത്തിൻ്റെ നെറുകയിൽ എത്തിയിരിക്കുന്നു. പെൺകുട്ടികൾക്ക് അവർ ശക്തമായ ഒരു സന്ദേശം അയയ്‌ക്കുന്നു - തങ്ങൾ തടയാൻ കഴിയാത്തവരാണെന്നും അവർക്ക് ഒന്നും അസാധ്യമല്ലെന്നുമുള്ള സന്ദേശം!

അത്‌ലറ്റുകളുടെ സാന്നിധ്യത്തിന് ആകാശ് അംബാനി നന്ദി പറഞ്ഞു. “നിങ്ങളുടെ പ്രചോദനത്തിന് മുഴുവൻ റിലയൻസ് കുടുംബത്തിനും വേണ്ടി നന്ദി. ഈ സായാഹ്നം സാധ്യമാക്കിയതിന് എൻ്റെ അമ്മ നിത അംബാനിയോട് നന്ദി പറയാൻ ഞാൻ ആഗ്രഹിക്കുന്നു. റിലയൻസ് ഫൗണ്ടേഷനിൽ ഞങ്ങൾ ചെയ്യുന്ന മറ്റെല്ലാം പോലെ, ഇതു അവരുടെ കാഴ്ചപ്പാടാണ്.

ഒളിമ്പിക്‌സിലും പാരാലിമ്പിക്‌സിലും ഇന്ത്യയെ ആഗോള തലത്തിൽ എത്തിക്കുന്നതിൽ അവരുടെ കഠിനാധ്വാനം, അഭിനിവേശം, ആഴത്തിലുള്ള സ്വാധീനം എന്നിവ കണക്കിലെടുത്താണ് വിവിധ വിഭാഗങ്ങളിലെ കായികതാരങ്ങളെ ആദരിച്ചത്.

പങ്കെടുത്തവരിൽ ഒളിമ്പിക്‌സ്, പാരാലിമ്പിക്‌സ് മെഡൽ ജേതാക്കളായ നീരജ് ചോപ്ര, മനു ഭാക്കർ, ഇന്ത്യയുടെ ആദ്യ പാരാലിമ്പിക്‌സ് സ്വർണമെഡൽ ജേതാവായ മുരളികാന്ത് പേട്‌കർ എന്നിവരും ഉണ്ടായിരുന്നു. രണ്ട് പാരാലിമ്പിക്‌സ് സ്വർണം നേടിയ ആദ്യ ഇന്ത്യക്കാരനും പാരാലിമ്പിക് കമ്മിറ്റി ഓഫ് ഇന്ത്യയുടെ പ്രസിഡൻ്റുമായ ദേവേന്ദ്ര ജജാരിയ, സുമിത് ആൻ്റിൽ, നിതേഷ് കുമാർ, ഹർവീന്ദർ സിംഗ്, ധരംബീർ നൈൻ, നവദീപ് സിംഗ്, പ്രവീൺ കുമാർ എന്നിവരും പങ്കെടുത്തു.

പ്രീതി പാൽ, മോന അഗർവാൾ, സിമ്രാൻ ശർമ, ദീപ്തി ജീവൻജി, ഒളിമ്പ്യൻമാരായ സരബ്ജോത് സിംഗ്, സ്വപ്നിൽ കുസാലെ, അമൻ സെഹ്‌രാവത് എന്നിവരുൾപ്പെടെ മറ്റ് പ്രമുഖ അത്‌ലറ്റുകളും പരിപാടിയിൽ പങ്കെടുത്തു.

ഇന്ത്യൻ പുരുഷ ഹോക്കി ടീമിനെ പ്രതിനിധീകരിച്ച് ക്യാപ്റ്റൻ ഹർമൻപ്രീത് സിംഗ്, പിആർ ശ്രീജേഷ് എന്നിവർ പാരീസിൽ മെഡൽ നേടിയ ടീമിൽ അംഗങ്ങളായിരുന്നു. ഒളിമ്പിക്‌സ് മെഡൽ ജേതാവ് ലോവ്‌ലിന ബോർഗോഹെയ്‌നും 14 വയസ്സുള്ള ഇന്ത്യയുടെ ഏറ്റവും പ്രായം കുറഞ്ഞ അംഗമായ ധിനിധി ദേശിംഗുവും പങ്കെടുത്തു.

അവരുടെ നേട്ടങ്ങൾ രാജ്യത്തിന് മഹത്വം കൊണ്ടുവരിക മാത്രമല്ല, കായികരംഗത്ത് മികവ് പുലർത്താൻ ഭാവിതലമുറയെ പ്രചോദിപ്പിക്കുകയും ചെയ്തു. ഇന്ത്യൻ കായിക ഇതിഹാസങ്ങളായ ദീപ മാലിക്, സാനിയ മിർസ, കർണം മല്ലേശ്വരി, പുല്ലേല ഗോപിചന്ദ് എന്നിവരും ചടങ്ങിൽ പങ്കെടുത്തു, അവർ തങ്ങളുടെ നേട്ടങ്ങളും മികവും കൊണ്ട് എണ്ണമറ്റ യുവ അത്‌ലറ്റുകൾക്ക് പ്രചോദനം നൽകി.

83, ചന്തു ചാമ്പ്യൻ തുടങ്ങിയ കായിക കേന്ദ്രീകൃത സിനിമകളിൽ അഭിനയിച്ച ബോളിവുഡ് സൂപ്പർതാരങ്ങളായ രൺവീർ സിംഗ്, കാർത്തിക് ആര്യൻ എന്നിവരും ചടങ്ങിൽ പങ്കെടുത്തു. സമത്വത്തിൻ്റെയും ഐക്യത്തിൻ്റെയും പ്രതീകമായ പാരീസ് 2024 പാരാലിമ്പിക് ടോർച്ച്, പാരാലിമ്പിക് കമ്മിറ്റി ഓഫ് ഇന്ത്യയുടെ ചീഫ് കോച്ചായ ദേവേന്ദ്ര ജജാരിയ, സുമിത് ആൻ്റിൽ, സത്യനാരായണ എന്നിവർ  ശ്രീമതി അംബാനിക്ക് പാരാലിമ്പിക്സ് ദീപശിഖ സമ്മാനിച്ചു.

യുണൈറ്റഡ് ഇൻ ട്രയംഫ് അത്‌ലറ്റിക് മികവ് ആഘോഷിക്കുക മാത്രമല്ല, അംഗീകാരത്തിൽ തുല്യതയുടെ പ്രാധാന്യത്തെ ഉയർത്തിക്കാട്ടുകയും ചെയ്തു. ഈ ഇവൻ്റ് ഇന്ത്യൻ കായികരംഗത്ത് ഒരു പുതിയ അധ്യായം അടയാളപ്പെടുത്തി. ഓരോ അത്‌ലറ്റും അവരുടെ സമർപ്പണത്തിനും, പ്രതിബദ്ധതയ്ക്കും, മികവിനായുള്ള പരിശ്രമത്തിനും വേണ്ടി ആഘോഷിക്കപ്പെടുന്നു. ഒന്നിലധികം കായിക ഇനങ്ങളിൽ വിജയിച്ച ഇന്ത്യയെ ഒരു കായിക രാഷ്ട്രമാക്കി മാറ്റാനുള്ള നിതഅംബാനിയുടെ കാഴ്ചപ്പാടിന് അത്ലറ്റുകൾ തങ്ങളുടെ പിന്തുണ ആവർത്തിച്ചു.