Paris Olympics 2024| 'തലമുറകൾ കാത്തുസൂക്ഷിക്കുന്ന നേട്ടം'; ഇന്ത്യന്‍ ഹോക്കി ടീമിനെ പ്രശംസിച്ച് പ്രധാനമന്ത്രി നരേന്ദ്രമോദി

പാരിസ് ഒളിമ്പിക്സിൽ വെങ്കലം നേടിയ ഇന്ത്യൻ ടീമിനെ പ്രശംസിച്ച് പ്രധാനമന്ത്രി നരേന്ദ്രമോദി. തലമുറകൾ കാത്തുസൂക്ഷിക്കുന്ന നേട്ടമാണിത്. ഒളിമ്പിക്സില്‍ ഇന്ത്യൻ ടീം തുടർച്ചയായ രണ്ടാം തവണ നേടുന്ന മെഡലായതിനാൽ ഇത് കൂടുതല്‍ സവിശേഷമാകുന്നവെന്നും പ്രധാനമന്ത്രി എക്സില്‍ കുറിച്ചു. നൈപുണ്യത്തിൻ്റെയും സ്ഥിരോത്സാഹത്തിൻ്റെയും ടീം സ്പിരിറ്റിൻ്റെയും വിജയമാണ് ഇത്. അപാരമായ ധീരതയും സഹിഷ്ണുതയും ഇന്ത്യൻ ടീം പ്രകടിപ്പിച്ചു. ഓരോ ഇന്ത്യക്കാരനും ഹോക്കിയുമായി വൈകാരിക ബന്ധമുണ്ട്. ഈ നേട്ടം നമ്മുടെ രാജ്യത്തെ യുവജനങ്ങൾക്കിടയിൽ കായിക വിനോദത്തെ കൂടുതൽ ജനപ്രിയമാക്കുമെന്നും പ്രധാനമന്ത്രി കൂട്ടിച്ചേർത്തു.