അമ്പെയ്ത്ത് പരിശീലനവും ബീച്ച് വോളിയും; വിന്‍ഡീസ് താരങ്ങളുടെ ഇന്നത്തെ ദിനം ഇങ്ങനെ

തിരുവനന്തപുരം: ഇന്ത്യാ വിന്‍ഡീസ് ഏകദിന പരമ്പരയിലെ അഞ്ചാമത്തെയും അവസാനത്തെയും മത്സരമാണ് നാളെ കാര്യവട്ടത്ത് നടക്കുന്നത്. എന്നാല്‍ ഏറെ നിര്‍ണ്ണായകമായ മത്സരത്തലേന്ന് വിന്‍ഡീസ് താരങ്ങള്‍ ചെലവഴിച്ചത് യാതൊരു സമ്മര്‍ദ്ദവുമില്ലാതെ ആട്ടവും പാട്ടുമായിട്ടായിരുന്നു. കോവളത്തെ റിസോര്‍ട്ടില്‍ ബീച്ച് വോളി കളിച്ചും അമ്പെയ്ത്ത് പരിശീലനത്തിലേര്‍പ്പെട്ടുമായിരുന്നു ടീമുകള്‍ ഉച്ചവരെയുള്ള സമയം ചെലവഴിച്ചത്.