ചാമ്പ്യൻസ് ലീഗ് ക്വാർട്ടർ ഫൈനൽ: ലിവർപൂളിനെ വീഴ്ത്തി റയൽ; സിറ്റിക്കും ജയം

ആദ്യ പകുതിയിൽ തന്നെ രണ്ടു ഗോളുകൾ നേടി റയൽ ചെമ്പടയെ പുറകിലാക്കി. 27ആം മിനുട്ടിൽ വിനീഷ്യസ് ജൂനിയറിലൂടെ ആയിരുന്നു റയലിന്റെ ആദ്യ ഗോൾ. ക്രൂസിന്റെ മനോഹരമായ ലോബ് പാസിൽ നിന്നായുരുന്നു ആ ഗോൾ. കളിയുടെ ആദ്യ പകുതി അവസാനിക്കുന്നതിന് തൊട്ടു മുമ്പാണ് രണ്ടാം ഗോൾ വന്നത്. എളുപ്പത്തിൽ ഡിഫൻഡ് ചെയ്യമായിരുന്ന ഒരു ഷോട്ട് ലിവർപൂൾ പ്രതിരോധ നിര താരം അലക്സാണ്ടർ അർനോൾഡ് വരുത്തിയ പിഴവ് മുതലെടുത്ത് അസൻസിയോ വലയിൽ എത്തിക്കുക ആയിരുന്നു. രണ്ടാം പകുതിയുടെ തുടക്കത്തിൽ സലാ നേടിയ ഗോളിലൂടെ മത്സരത്തിലേക്ക് തിരിച്ചു വരാൻ ലിവർപൂൾ ശ്രമിച്ചെങ്കിലും ഫലം ഉണ്ടായില്ല. 65ആം മിനുട്ടിൽ വീണ്ടും വിനീഷ്യസ് വലകുലുക്കിയതോടെ റയലിന്റെ വിജയം ഉറപ്പായി. തോറ്റെങ്കിലും ഒരു എവേ ഗോൾ സ്കോർ ചെയ്തത് ലിവർപൂളിന് ആശ്വാസം നൽകും.

ആദ്യ പകുതിയിൽ 27ആം മിനുട്ടിൽ ആയിരുന്നു സിറ്റിയുടെ ആദ്യ ഗോൾ. ഡോർട്മുണ്ട് താരത്തിൽ നിന്നും പന്ത് കൈക്കലാക്കിയതിന് ശേഷം നടത്തിയ ഒരു കൗണ്ടർ അറ്റാക്കിലൂടെ ആയിരുന്നു‌ സിറ്റിയുടെ ഗോൾ വന്നത്. സിറ്റി താരങ്ങളായ ഡി ബ്രുയിനെയും ഫോഡനും മഹ്റസും ഒക്കെ ഒരുമിച്ച് നടത്തിയ നീക്കത്തിൽ ആണ് ഗോൾ പിറന്നത്. ഗോൾ വീണതിന് ശേഷം ഉണർന്ന് കളിച്ച ഡോർട്മുണ്ട് ആദ്യ പകുതിയിൽ തന്നെ ഗോൾ മടക്കിയെങ്കിലും ജൂഡ് ബെല്ലിങ്ഹാം നേടിയ ഗോൾ വാർ പരിശോധനയിലൂടെ റഫറി നിഷേധിച്ചു.

Also Read- `മൊയീൻ അലിയെ വംശീയമായി അധിക്ഷേപിച്ച് തസ്‌ലിമ നസ്റീൻ; പോസ്റ്റിനെതിരെ വ്യാപക പ്രതിഷേധം, ജോഫ്ര ആർച്ചറും രംഗത്ത്

84ആം മിനുട്ടിൽ ക്യാപ്റ്റൻ റ്യൂസിലൂടെ സമനില ഗോൾ നേടി സിറ്റിയുടെ ഒപ്പം പിടിച്ചു. എന്നാൽ കളിയുടെ അവസാന നിമിഷത്തിൽ യുവതാരം ഫിൽ ഫോഡൻ സിറ്റിക്കായി വിജയ ഗോൾ നേടി.

ഇരു ടീമും ഇഞ്ചോടിഞ്ച് പൊരുതിയ മത്സരം ആവേശകരമായിരുന്നെങ്കിലും, സിറ്റിക്ക് അവർ ആഗ്രഹിച്ച പോലുള്ള ഒരു വലിയ വിജയം സ്വന്തമാക്കാനായില്ല എന്നതിൽ നിരാശയുണ്ടാകും. മറുവശത്ത് രണ്ടാം പാദത്തിൽ കളി പിടിക്കാൻ ആകും എന്ന പ്രതീക്ഷയിലാണ് ഡോർട്മുണ്ട്‌. സിറ്റിയുടെ മൈതാനത്ത് നേടിയ ഒരു എവേ ഗോളിൻ്റെ മുൻതൂക്കം രണ്ടാം പാദത്തിൽ അവരുടെ സ്വന്തം മൈതാനത്ത് ഇറങ്ങുമ്പോൾ അവർക്ക് ഉണ്ടാകും.

ഏപ്രിൽ 14ന് ആണ് രണ്ടാം പാദ മത്സരം നടക്കുക.

ഇന്ന് രാത്രി നടക്കുന്ന രണ്ട് ക്വാർട്ടർ ഫൈനലുകളിൽ കഴിഞ്ഞ വർഷത്തെ ചാമ്പ്യൻസ് ലീഗ് ഫൈനലിൻ്റെ തനിയാവർത്തനം ആണ് ഒരു മത്സരം. നിലവിലെ ജേതാക്കളായ ബയേൺ മ്യുണിക്കും രണ്ടാം സ്ഥാനക്കാരായ പി എസ് ജി യും തമ്മിലാണ് മത്സരം. മറ്റൊരു മത്സരത്തിൽ ചെൽസി പോർട്ടോയെ നേരിടും. തോമസ് ടുഹേലിന് കീഴിൽ തോൽവി അറിയാതെ കുതിച്ചിരുന്ന ചെൽസിക്ക് കഴിഞ്ഞ പ്രീമിയർ ലീഗ് മത്സരത്തിൽ വമ്പൻ തോൽവി ആയിരുന്നു സംഭവിച്ചത്. ലീഗിലെ അവസാന അവസാന സ്ഥാനത്ത് ഉള്ള വെസ്റ്റ് ബ്രോമിനെതിരെ 5-2ന് ആണ് ചെൽസി തോറ്റത്. ഈ തോൽവിയിൽ നിന്ന് പുറത്ത് വരാൻ ഇന്നത്തെ മത്സരം ജയിക്കാനുള്ള ശ്രമത്തിൽ ആവും ചെൽസി.

രാത്രി 12.30ന് സോണി നെറ്റ്‌വർക്കിൽ തൽസമയം കാണാം.

English Summary: Real Madrid and Manchester City emerges victorious in the first leg of Champions league querter finals. The former beat Liverpool for score. of 3-1 and City captures a win against Dortmund by 2-1 with the injury time goal from Phil Phoden