വെറും 60 സെക്കൻഡ്, എട്ട് ബീറ്റ്റൂട്ട് കബാബ് അകത്താക്കി സച്ചിൻ തെണ്ടുൽക്കർ

ലോക്ക്ഡൗൺ തുടങ്ങിയ സമയത്ത് തന്റെ മുടി സ്വയം വെട്ടിയൊതുക്കിയത് അദ്ദേഹം സോഷ്യൽ മീഡിയയിൽ പങ്കു വെച്ചിരുന്നു. മുടി വെട്ടിയൊതുക്കുന്നതിന്റെ ചിത്രങ്ങളും മുടി വെട്ടിയൊതുക്കിയതിന് ശേഷമുള്ള ചിത്രങ്ങളുമായിരുന്നു അദ്ദേഹം പങ്കുവെച്ചത്.

അറുപത് സെക്കൻഡിനുള്ളിൽ കബാബ് പാത്രം കാലിയാക്കിയെന്നാണ് ചിത്രത്തിന്റെ കാപ്ഷൻ. രുചികരമായ ബീറ്റ്റൂട്ട് കബാബ് ഉണ്ടാക്കിയതിന് മകൾ സാറയ്ക്ക് നന്ദിയും പറയുന്നു. മിനിറ്റുകൾക്കുള്ളിൽ തന്നെ ചിത്രം ആരാധകർ ഏറ്റെടുത്തു. കബാബ് കണ്ടാൽ തന്നെ അറിയാം അത് രുചികരമാണെന്ന്, സാറ നല്ല കുക്ക് ആണെന്നും ആരാധകർ സമ്മതിച്ചു കഴിഞ്ഞു.

കുടുംബത്തിലെ സന്തോഷകരമായ മുഹൂർത്തങ്ങളെല്ലാം സച്ചിൻ ആരാധകരുമായി പങ്കു വെയ്ക്കാറുണ്ട്. മകൾ സാറയുടെ ബിരുദദാന ചടങ്ങുകളും സച്ചിൻ സോഷ്യൽ മീഡിയയിൽ നേരത്തെ പങ്കുവെച്ചിരുന്നു.