സഞ്ജു വിവാഹിതനാകുന്നു; അഞ്ച് വർഷമായുള്ള പ്രണയം വെളിപ്പെടുത്തി താരം

തിരുവനന്തപുരം: അഞ്ചു വർഷത്തോളം അത് പരമരഹസ്യമാക്കിവെക്കാൻ സഞ്ജു വി സാംസന് സാധിച്ചു. എന്നാൽ ഇന്നത് വെളിപ്പെടുത്തിയിരിക്കുന്നു. അഞ്ചുവർഷമായി രഹസ്യമാക്കിവെച്ച പ്രണയം ഫേസ്ബുക്കിലൂടെയാണ് താരം തുറന്നുപറഞ്ഞത്. കാമുകി ചാരുലതയുമൊത്തുള്ള പ്രണയമാണ് താരം തുറന്നുപറഞ്ഞത്. വിവാഹത്തിന് ഇരുവരുടെയും വീട്ടുകാർ സമ്മതമറിയിച്ചുവെന്ന് താരം വെളിപ്പെടുത്തി. ഇവരുടെ വിവാഹനിശ്ചയം കഴിഞ്ഞു. അഞ്ചു വർഷം മുമ്പ് ഒരു ഹായ് സന്ദേശം അയച്ചതോടെയാണ് പ്രണയത്തിന് തുടക്കമെന്ന് സഞ്ജു ഫേസ്ബുക്ക് കുറിപ്പിൽ പറയുന്നു.