'സഞ്ജുവിന് വീണ്ടും സെഞ്ച്വറി'; ടി20 യിൽ ഇന്ത്യക്ക് മികച്ച തുടക്കം
- Published by:Vishnupriya S
- news18-malayalam
Last Updated:
ദക്ഷിണാഫ്രിക്കയ്ക്കെതിരായ ആദ്യ ടി20 യിൽ 107 റൺസാണ് സഞ്ജു നേടിയത്
ദക്ഷിണാഫ്രിക്കക്കെതിരായ ആദ്യ ടി20യിൽ മലയാളി താരം സഞ്ജു സാംസണ് സെഞ്ച്വറി. തുടർച്ചയായി രണ്ട് സെഞ്ച്വറി നേടുന്ന ആദ്യ ഇന്ത്യക്കാരനാണ്. 50 പന്തിൽ 107 റൺസാണ് നേടിയത്. ഡർബനിലെ കിങ്സ്മീഡ് ക്രിക്കറ്റ് സ്റ്റേഡിയത്തിൽ നടക്കുന്ന മത്സരത്തിൽ ഏഴു ഫോറും ഒൻപതു സിക്സറുകളും സഹിതമാണ് സഞ്ജു സെഞ്ചറിയിലെത്തിയത്. ബംഗ്ലാദേശിനെതിരായ സെഞ്ചുറിക്ക് പിന്നാലെയാണ് ദക്ഷിണാഫ്രിക്കക്കെതിരായ ടി20 പരമ്പരയിലും സഞ്ജു സെഞ്ചുറി നേടിയത്.
ടി20 ക്രിക്കറ്റില് തുടര്ച്ചയായ രണ്ട് മത്സരങ്ങളില് ഇന്ത്യക്കായി സെഞ്ചുറി നേടുന്ന ആദ്യ താരമെന്ന അപൂര്വനേട്ടമാണ് ഇതോടെ താരം സ്വന്തമാക്കിയത്. രാജ്യാന്തര ടി20 ക്രിക്കറ്റില് തുടര്ച്ചയായി രണ്ട് സെഞ്ചുറി നേടുന്ന നാലാമത്തെ താരമാണ് സഞ്ജു. 27 പന്തില് അര്ധെസഞ്ചുറിയിലെത്തിയ സഞ്ജു സെഞ്ചുറിയിലെത്താന് എടുത്തത് 20 പന്തുകള് കൂടി മാത്രമായിരുന്നു.
ദക്ഷിണാഫ്രിക്കക്കെതിരെ ഇന്ത്യൻ താരത്തിന്റെ അതിവേഗ ടി20 സെഞ്ചുറിയെന്ന റെക്കോര്ഡും ഡര്ബനില് സഞ്ജു അടിച്ചെടുത്തു. 55 പന്തില് സെഞ്ചുറിയിലെത്തിയ ക്യാപ്റ്റന് സൂര്യകുമാര് യാദവിന്റെ റെക്കോര്ഡാണ് 47 പന്തില് സെഞ്ചുറിയിലെത്തി സഞ്ജു മറികടന്നത്.
Click here to add News18 as your preferred news source on Google. ഏറ്റവും പുതിയ സ്പോർട്സ് വാർത്തകൾ, ലൈവ് സ്കോർ അപ്ഡേറ്റുകൾ, മത്സര ഫലങ്ങൾ എല്ലാം അറിയാൻ News18 മലയാളത്തിനൊപ്പം വരൂ
Location :
New Delhi,Delhi
First Published :
Nov 08, 2024 10:34 PM IST
