T20 World Cup | വൻ അട്ടിമറി; ഓസ്ട്രേലിയയെ 21 റണ്സിന് വീഴ്ത്തി അഫ്ഗാനിസ്ഥാൻ
- Published by:Vishnupriya S
- news18-malayalam
Last Updated:
149 റണ്സ് വിജയലക്ഷ്യവുമായി ബാറ്റിങ്ങിനിറങ്ങിയ ഓസീസ് 127 റണ്സിന് ഓള്ഔട്ടായി
ടി20 ലോകകപ്പില് ഓസ്ട്രേലിയയെ 21 റണ്സിന് വീഴ്ത്തി അഫ്ഗാനിസ്ഥാൻ. ഓസ്ട്രേലിയയെ 21 റണ്സിന് അട്ടിമറിച്ച് ഏകദിന ലോകകപ്പിലെ തോല്വിക്ക് പ്രതികാരം വീട്ടി അഫ്ഗാനിസ്ഥാന്. 149 റണ്സ് വിജയലക്ഷ്യവുമായി ബാറ്റിങ്ങിനിറങ്ങിയ ഓസീസ് 127 റണ്സിന് ഓള്ഔട്ടായി. ഏകദിന ലോകകപ്പില് ഓസീസിനെതിരെ ജയത്തിന് അടുത്തെത്തിയ അഫ്ഗാനിസ്ഥാനെ ഗ്ലെന് മാക്സ്വെല്ലിന്റെ വെടിക്കെട്ട് ഡബിള് സെഞ്ചുറിയുടെ കരുത്തില് മറികടന്ന ഓസീസിനായി ഇത്തവണയും അര്ധസെഞ്ചുറിയുമായി മാക്സ്വെല് പൊരുതിയെങ്കിലും ജയം അടിച്ചെടുക്കാനായില്ല.
അന്താരാഷ്ട്ര ക്രിക്കറ്റില് ഓസ്ട്രേലിയയ്ക്കെതിരേ അഫ്ഗാന്റെ ആദ്യ ജയമാണിത്. അഫ്ഗാന് ഉയര്ത്തിയ 149-റണ്സ് വിജയലക്ഷ്യത്തിലേക്ക് ബാറ്റേന്തിയ ഓസീസിന് അക്കൗണ്ട് തുറക്കും മുമ്പേ ട്രാവിസ് ഹെഡിനെ നഷ്ടമായി. നവീന് ഉള് ഹഖ് താരത്തെ ബൗള്ഡാക്കി. പിന്നാലെ മിച്ചല് മാര്ഷും(12)ഡേവിഡ് വാര്ണറും(3) മടങ്ങിയതോടെ ഓസീസ് പ്രതിരോധത്തിലായി. 32-3 എന്ന നിലയിലേക്ക് ഓസ്ട്രേലിയ വീണു. എന്നാല് ഗ്ലെന് മാക്സ്വെല്ലും സ്റ്റോയിനിസും ചേര്ന്ന് ടീം സ്കോര് 50-കടത്തി.
ജീവന്മരണപ്പോരാട്ടത്തില് അഫ്ഗാനിസ്ഥാന് ജയിച്ചതോടെ ഗ്രൂപ്പ് രണ്ടില് നിന്ന് ഇന്ത്യ സെമി ഉറപ്പിച്ചു. അവസാന മത്സരത്തില് ഇന്ത്യയെ തോല്പ്പിച്ചാല് മാത്രമെ ഇനി ഓസീസിന് സെമിയിലെത്താനാവു. അവസാന മത്സരത്തില് ബംഗ്ലാദേശിനെ തോല്പ്പിച്ചാല് അഫ്ഗാനിസ്ഥാനും സെമിയിലെത്താം.ടി20 ക്രിക്കറ്റില് ഓസ്ട്രേലിയക്കെതിരെ അഫ്ഗാനിസ്ഥാന്റെ ആദ്യ ജയമാണിത്. സ്കോര് അഫ്ഗാനിസ്ഥാന് 20 ഓവറില് 148-6, ഓസ്ട്രേലിയ 19.2 ഓവറില് 127ന് ഓള് ഔട്ട്.
Click here to add News18 as your preferred news source on Google. ഏറ്റവും പുതിയ സ്പോർട്സ് വാർത്തകൾ, ലൈവ് സ്കോർ അപ്ഡേറ്റുകൾ, മത്സര ഫലങ്ങൾ എല്ലാം അറിയാൻ News18 മലയാളത്തിനൊപ്പം വരൂ
Location :
New Delhi,New Delhi,Delhi
First Published :
Jun 23, 2024 10:56 AM IST
മലയാളം വാർത്തകൾ/ വാർത്ത/Sports/
T20 World Cup | വൻ അട്ടിമറി; ഓസ്ട്രേലിയയെ 21 റണ്സിന് വീഴ്ത്തി അഫ്ഗാനിസ്ഥാൻ
