മെസിക്കൊപ്പം ഗ്യാലറിയിലിരുന്ന് മകന്‍ വരച്ചത് യുവന്റ്‌സിന്റെ ലോഗോയോ?; വൈറലായി വീഡിയോ

മത്സരത്തിന്റെ പ്രധാന നിമിഷങ്ങളിലെല്ലാം ക്യാമറകണ്ണുകള്‍ ഗ്യാലറിയിലുണ്ടായിരുന്ന മെസിയിലേക്ക് തിരിഞ്ഞിരുന്നു. മൂത്ത മകന്‍ തിയാഗോയ്‌ക്കൊപ്പമായിരുന്നു മെസി കളി കാണാന്‍ എത്തിയത്. ടീമിന്റെ ഗോള്‍ നേട്ടത്തില്‍ സന്തോഷിക്കുകയും അവസരങ്ങള്‍ നഷ്ടപ്പെടുത്തുമ്പോള്‍ നിരാശയോടെയും ഇരുന്ന മെസിയുടെ ചിത്രങ്ങള്‍ ക്യാമറയില്‍ പതിഞ്ഞിരുന്നെങ്കിലും ഗ്യാലറിയില്‍ നിന്നുള്ള മറ്റൊരു ദൃശ്യങ്ങളാണ് ഇപ്പോള്‍ സോഷ്യല്‍ മീഡിയയില്‍ വൈറലായിരിക്കുന്നത്.

മെസിക്കൊപ്പം ഗ്യാലറിയിലിരിക്കുകയായിരുന്ന മകന്‍ കളിക്കിടയില്‍ പേപ്പറില്‍ വരച്ചത് പോര്‍ച്ചുഗല്‍ താരം ക്രിസ്റ്റിയാനോ റൊണാള്‍ഡോയുടെ ക്ലബ്ബായ യുവന്റ്‌സിന്റെ ലോഗോയാണെന്നാണ് സോഷ്യല്‍ മീഡിയ പറയുന്നത്. അവ്യക്തം എങ്കിലും ആദ്യ കാഴ്ചയില്‍ യുവന്റ്‌സിന്റെ ലോഗോയെന്നു തോന്നിക്കുന്ന ചിത്രം തന്നെയാണ് വീഡിയോയില്‍ തിയാഗോ മെസിക്ക് കാണിച്ച് കൊടുക്കുന്നത്.

ചോര്‍ച്ചുഗല്‍ സൂപ്പര്‍ സ്റ്റാറിന്റെ ആരാധകനാണോ തിയാഗോയെന്നാണ് സോഷ്യല്‍ മീഡിയ ഇപ്പോള്‍ ഉയര്‍ത്തുന്ന ചോദ്യം.