ഇന്റർ മിയാമിയിൽ മെസ്സിയുടെ അരങ്ങേറ്റം; ടിക്കറ്റിന് 110,000 ഡോളർ വരെ നൽകി ആരാധകർ

പിങ്ക് ജേഴ്സി അണിഞ്ഞ് ഇന്‍റര്‍ മിയാമിയ്ക്ക് വേണ്ടി ലയണൽ മെസ്സി വെള്ളിയാഴ്ച അരങ്ങേറ്റം കുറിക്കാനിരിക്കെ മത്സരം കാണാൻ വൻ തുകയ്ക്ക് ടിക്കറ്റ് വാങ്ങുകയാണ് ആരാധകരെന്ന് റിപ്പോർട്ട്. ഇതിനോടകം ടിക്കറ്റുകൾ ഏകദേശം 110,000 ഡോളർ വരെ നിരക്കിൽ വിൽക്കുന്നതായാണ് ടിക്കറ്റ് റീസെല്ലിംഗ് വെബ്‌സൈറ്റിലെ കണക്കുകൾ സൂചിപ്പിക്കുന്നത്. കൂടാതെ ഇതോടൊപ്പം തന്നെ വിലകുറഞ്ഞ ഓപ്ഷനുകളും ലഭ്യമാണ്. അതേസമയം ഓഗസ്റ്റ് 20 ന് എം എല്‍ എസിൽ ഷാർലറ്റിനെതിരെയുള്ള മെസ്സിയുടെ ആദ്യ മത്സരത്തിൽ ടിക്കറ്റുകളുടെ ശരാശരി വില എത്തി നിൽക്കുന്നത് ഏകദേശം 288 ഡോളറിൽ ആണെന്നും റിപ്പോർട്ടുണ്ട്.