ഇന്ത്യയുടെ വൈശാലിക്ക് കൈകൊടുക്കാതെ ഉസ്‌ബെക്ക് ചെസ് താരം; മറ്റ് സ്ത്രീകളെ തൊടാത്തത് മതപരമായ കാരണങ്ങളാലെന്ന് താരം
- Published by:Rajesh V
- news18-malayalam
Last Updated:
"വൈശാലിയുമായുള്ള കളിയിൽ സംഭവിച്ച സാഹചര്യം ഞാൻ വിശദീകരിക്കാൻ ആഗ്രഹിക്കുന്നു. സ്ത്രീകളോടും ഇന്ത്യൻ ചെസ് കളിക്കാരോടും ഉള്ള എല്ലാ ബഹുമാനത്തോടെയും പറയട്ടെ, മതപരമായ കാരണങ്ങളാൽ ഞാൻ മറ്റ് സ്ത്രീകളെ തൊടില്ലെന്ന് എല്ലാവരേയും അറിയിക്കാൻ ഞാൻ ആഗ്രഹിക്കുന്നു"
ഇന്ത്യന്‍ ഗ്രാന്‍ഡ് മാസ്റ്റര്‍ ആര്‍ വൈശാലിക്ക് ഹസ്തദാനം നല്‍കാന്‍ തയാറാകാതെ ഉസ്‌ബെക്കിസ്താന്‍ ഗ്രാന്‍ഡ് മാസ്റ്റര്‍ നോദിർബെക് യാകുബൊയേവ് . നെതര്‍ലന്‍ഡ്‌സിലെ വിക് ആന്‍ സീയില്‍ നടക്കുന്ന ടാറ്റ സ്റ്റീല്‍ മാസ്റ്റേഴ്‌സ് ചെസ് ടൂര്‍ണമെന്റിനിടെയായിരുന്നു സംഭവം. ഇതിന്റെ ദൃശ്യങ്ങള്‍ സോഷ്യല്‍ മീഡിയയില്‍ വ്യാപകമായി പ്രചരിക്കുകയും വിവാദമാവുകയും ചെയ്തതോടെ വിശദീകരണവുമായി ഉസ്ബെക് താരം രംഗത്തെത്തി.
താന്‍ വൈശാലിയോട് അനാദരവ് കാട്ടാൻ ഉദ്ദേശിച്ചിട്ടില്ലെന്നും വൈശാലിയോടും അവരുടെ ഇളയ സഹോദരന്‍ ആര്‍ പ്രഗ്നാനന്ദയോടും തനിക്ക് എല്ലാ ബഹുമാനവുമുണ്ടെന്നും മതപരമായ കാരണങ്ങളാലാണ് കൈകൊടുക്കാതിരുന്നതെന്നും നോദിർബെക് യാകുബൊയേവ് എക്സിൽ കുറിച്ചു. തന്റെ പ്രവൃത്തി വൈശാലിക്ക് അപമാനകരമായെങ്കില്‍ ക്ഷമ ചോദിക്കുന്നതായും യാകുബൊയേവ് പറഞ്ഞു.
Dear chess friends,
I want to explain the situation that happened in the game with Vaishali. With all due respect to women and Indian chess players, I want to inform everyone that I do not touch other women for religious reasons.#chess #fide #islam@ChessbaseIndia @Uzchesss
— Nodirbek Yakubboev (@NodirbekYakubb1) January 26, 2025
advertisement
ഇരുവരും തമ്മിലുള്ള നാലാം റൗണ്ട് മത്സരത്തിന് മുന്നോടിയായാണ് ചെസ് ബോര്‍ഡിനടുത്തേക്കെത്തിയ യാകുബൊയേവിന് കൈകൊടുക്കാനായി വൈശാലി കൈ നീട്ടിയത്. എന്നാല്‍ താരം ഇത് ശ്രദ്ധിക്കാത്ത പോലെ പെരുമാറുകയായിരുന്നു. അതേസമയം മത്സരത്തില്‍ യാകുബൊയേവ് തോറ്റു. ഇതിനുശേഷം യാകുബൊയേവിന് ഹസ്തദാനം നല്‍കാന്‍ വൈശാലി ശ്രമിച്ചതുമില്ല.
A renowned Uzbek chess Grandmaster, Nodirbek, refused to shake hands with India's Women's Grandmaster Vaishali.
Does religion influence sports? However, he was seen shaking hands with other female players earlier. pic.twitter.com/fGR61wvwUP
— Ayushh (@ayushh_it_is) January 27, 2025
advertisement
"വൈശാലിയുമായുള്ള കളിയിൽ സംഭവിച്ച സാഹചര്യം ഞാൻ വിശദീകരിക്കാൻ ആഗ്രഹിക്കുന്നു. സ്ത്രീകളോടും ഇന്ത്യൻ ചെസ് കളിക്കാരോടും ഉള്ള എല്ലാ ബഹുമാനത്തോടെയും പറയട്ടെ, മതപരമായ കാരണങ്ങളാൽ ഞാൻ മറ്റ് സ്ത്രീകളെ തൊടില്ലെന്ന് എല്ലാവരേയും അറിയിക്കാൻ ഞാൻ ആഗ്രഹിക്കുന്നു," മുസ്ലിം മതവിശ്വാസിയായ യാകുബൊയേവ് കുറിച്ചു.
23കാരനായ യാകുബൊയേവ് 2019ലാണ് ഗ്രാൻഡ് മാസ്റ്ററായത്. ചലഞ്ചേഴ്സ് സെക്ഷനിൽ എട്ടു റൗണ്ടുകൾ പിന്നിട്ടപ്പോള്‍ മൂന്ന് പോയിന്റുകളാണ് താരത്തിനുള്ളത്. അഞ്ച് റൗണ്ടുകൾ കൂടി ബാക്കിയുള്ളപ്പോൾ വൈശാലിക്ക് 4 പോയിന്റുകളാണുള്ളത്.
advertisement
Summary: Uzbek Grandmaster Nodirbek Yakubboev’s refusal to shake hands with Indian GM R Vaishali stirred up a controversy at the Tata Steel Chess Tournament before the Uzbek apologised, saying that he meant no disrespect and didn’t respond to the gesture because of “religious reasons".
ഏറ്റവും പുതിയ സ്പോർട്സ് വാർത്തകൾ, ലൈവ് സ്കോർ അപ്ഡേറ്റുകൾ, മത്സര ഫലങ്ങൾ എല്ലാം അറിയാൻ News18 മലയാളത്തിനൊപ്പം വരൂ
Location :
New Delhi,New Delhi,Delhi
First Published :
January 27, 2025 6:09 PM IST
മലയാളം വാർത്തകൾ/ വാർത്ത/Sports/
ഇന്ത്യയുടെ വൈശാലിക്ക് കൈകൊടുക്കാതെ ഉസ്‌ബെക്ക് ചെസ് താരം; മറ്റ് സ്ത്രീകളെ തൊടാത്തത് മതപരമായ കാരണങ്ങളാലെന്ന് താരം
