Paris Olympics 2024| പാരീസ് ഒളിമ്പിക്സില് നാലാം മെഡല് ഉറപ്പിച്ച് ഇന്ത്യ; ചരിത്രമെഴുതി വിനേഷ് ഫോഗട്ട് ഫൈനലില്
- Published by:Sarika KP
- news18-malayalam
Last Updated:
ഒളിമ്പിക് ഗുസ്തിയില് ഫൈനലില് കടക്കുന്ന ആദ്യ ഇന്ത്യന് വനിതാ താരമെന്ന നേട്ടവും വിനേഷിന് സ്വന്തമായി.
പാരീസ് ഒളിമ്പിക്സില് നാലാം മെഡല് ഉറപ്പിച്ച് ഇന്ത്യ. വനിതകളുടെ 50 കിലോ ഗ്രാം ഫ്രീസ്റ്റൈല് ഗുസ്തിയില് ഇന്ത്യയുടെ വിനേഷ് ഫോഗട്ട് ഫൈനലില്. സെമിയില് ക്യൂബയുടെ യൂസ്നെലിസ് ഗുസ്മാൻ ലോപ്പസിനെ മലര്ത്തിയടിച്ചാണ് വിനേഷ് ഫോഗട്ട് ഗുസ്തി ഫൈനലിലെത്തുന്നത്. ഇതോടെ ഒളിമ്പിക് ഗുസ്തിയില് ഫൈനലില് കടക്കുന്ന ആദ്യ ഇന്ത്യന് വനിതാ താരമെന്ന നേട്ടവും വിനേഷിന് സ്വന്തമായി. കഴിഞ്ഞ ദിവസം നടന്ന സെമിയിൽ ക്യൂബയുടെ യുസ്നെയ്ലിലിസ് ഗുസ്മാൻ ലോപ്പസിനെ പൊരുതാന് പോലും അവസരം നല്കാതെ 5-0നാണ് വിനേഷ് വീഴ്ത്തിയത്.
ഇന്ന് നടക്കുന്ന ഫൈനലില് യുഎസ്എയുടെ സാറ ആനാണ് വിനേഷിന്റെ എതിരാളി. ഇതിൽ തോറ്റാലും വിനേഷിന് വെള്ളി മെഡല് ഉറപ്പിക്കാം. ഇന്ന് തന്നെ നടന്ന പ്രീ ക്വാര്ട്ടറില് നിലവിലെ ഒളിംപിക് ചാമ്പ്യനും ലോക ഒന്നാം നമ്പറുമായ ജപ്പാന്റെ യു സുസാകിയെ 3-2ന് അട്ടിമറിച്ചാണ് വിനേഷ് ക്വാര്ട്ടറില് കടന്നത്.
Click here to add News18 as your preferred news source on Google. ഏറ്റവും പുതിയ സ്പോർട്സ് വാർത്തകൾ, ലൈവ് സ്കോർ അപ്ഡേറ്റുകൾ, മത്സര ഫലങ്ങൾ എല്ലാം അറിയാൻ News18 മലയാളത്തിനൊപ്പം വരൂ
Location :
New Delhi,New Delhi,Delhi
First Published :
Aug 07, 2024 7:52 AM IST
മലയാളം വാർത്തകൾ/ വാർത്ത/Sports/
Paris Olympics 2024| പാരീസ് ഒളിമ്പിക്സില് നാലാം മെഡല് ഉറപ്പിച്ച് ഇന്ത്യ; ചരിത്രമെഴുതി വിനേഷ് ഫോഗട്ട് ഫൈനലില്
