ഏഷ്യാകപ്പ് ക്രിക്കറ്റ് ഫൈനലിൽ ചുവട് പിഴച്ച് ഇന്ത്യൻ വനിതകൾ; കന്നിക്കിരീടം ചൂടി ശ്രീലങ്ക

ഫൈനൽ അഞ്ചുവട്ടം കളിച്ചെങ്കിലും ഒരിക്കൽപോലും ശ്രീലങ്കയ്ക്ക് കിരീടമെന്ന ലക്ഷ്യത്തിലെത്താനായിട്ടില്ല. എല്ലാതവണയും തോറ്റത് ഇന്ത്യയോട് തന്നെ. അതിനാനാൽ ഇത്തവണ ആ തോൽവിക്കെല്ലാം മറുപടിയെന്നോണം ആണ് ശ്രീലങ്ക ​ഗ്രൗണ്ടിലിറങ്ങിയത്. ക്യാപ്റ്റൻ ചമരി അട്ടപ്പട്ടുവിന്റെ മികച്ച ബാറ്റിങ് ആണ് ശ്രീലങ്കയ്ക്ക് തങ്ങളുടെ കന്നിക്കിരീടത്തിൽ മുത്തമിടാൻ തുണച്ചത്. 43 പന്തുകളിൽ ഒമ്പത് ബൗണ്ടറികളും രണ്ട് സിക്സറുമടക്കം 61 റൺസുമായി 12-ാം ഓവറിൽ അട്ടപ്പട്ടു മടങ്ങുമ്പോഴേക്കും ശ്രീലങ്ക വിജത്തിനരികേ എത്തിയിരുന്നു.