World cup 2023 | തിരുവനന്തപുരത്ത് മഴ കാണാൻ ഇന്ത്യ ടീം യാത്ര ചെയ്തത് 6115 കിലോമീറ്റർ; സന്നാഹ മത്സരം ഉപേക്ഷിച്ചു

തിരുവനന്തപുരം: ലോകകപ്പ് ക്രിക്കറ്റിന് മുന്നോടിയായുള്ള ഇന്ത്യയും നെതര്‍ലാൻഡ്സും തമ്മിലെ ലോകകപ്പ് സന്നാഹ മത്സരം മഴ കാരണം ഉപേക്ഷിച്ചു. തിരുവനന്തപുരം ഗ്രീൻഫീല്‍ഡ് സ്റ്റേഡിയത്തില്‍ ഇന്ന് ഉച്ചക്ക് രണ്ടിന് തുടങ്ങേണ്ടിയിരുന്ന മത്സരമാണ് ഒറ്റ പന്ത് പോലും എറിയാനാകാതെ ഉപേക്ഷിച്ചത്. തിരുവനന്തപുരത്ത് കനത്ത മഴ തുടർന്നതോടെയാണ് മത്സരം ഉപേക്ഷിക്കേണ്ടിവന്നത്. ഇടക്ക് മഴമാറി ഗ്രൗണ്ടിലെ കവറുകള്‍ മാറ്റിയെങ്കിലും വീണ്ടും മഴയെത്തുകയായിരുന്നു.