ബംഗ്ലാദേശിൽ വീണ്ടും യുവനേതാവിനെതിരെ അക്രമം; മൊതലെബ് ഷിക്ദറിന് വെടിയേറ്റത് തലയിൽ

ബംഗ്ലാദേശിൽ വീണ്ടും യുവനേതാവിനെതിരെ ആക്രമണം. വിദ്യാർഥി നേതാവായ മൊതലെബ് ഷിക്ദറിനെ തലയിൽ വെടിയേറ്റ് ഗുരുതര പരിക്കുകളോടെ ആശുപത്രിയിൽ പ്രവേശിപ്പിച്ചു. യുവനേതാവ് ഷെരീഫ് ഉസ്മാൻ ഹാദി നാല് ദിവസങ്ങൾക്ക് മുമ്പ് തലയിൽ വെടിയേറ്റ് കൊല്ലപ്പെട്ടിരുന്നു. ഇതിനെ തുടർന്ന് രാജ്യത്ത് വ്യാപക പ്രക്ഷോഭം നടന്നിരുന്നു. ഇതിന് പിന്നാലെയാണ് മൊതലെബ് ഷിക്ദറിനും സമാനമായ രീതിയിൽ തലയിൽ വെടിയേറ്റത്. തിങ്കളാഴ്ച അജ്ഞാതരായ തോക്കുധാരികളാണ് ഷിക്ദറിന് നേരെ വെടിയുതിർത്തത്. നാഷണൽ സിറ്റിസൺസ് പാർട്ടി പ്രവർത്തകരുടെ പ്രധാന അംഗങ്ങളിൽ ഒരാളായ ഷിക്ദറിന് തെക്കുപടിഞ്ഞാറൻ ഖുൽന നഗരത്തിൽ സ്ഥിതി ചെയ്യുന്ന അദ്ദേഹത്തിന്റെ വസതിക്ക് സമീപത്തുനിന്നാണ് വെടിയേറ്റത്. തലയിൽ ഗുരുതരമായി പരിക്കേറ്റ അദ്ദേഹത്തെ ഖുൽന മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.