കാനഡയിലെ പുതിയ ഇന്ത്യൻ ഹൈക്കമ്മീഷണർ ഉടൻ ചുമതലയേൽക്കുമെന്ന് വിദേശകാര്യമന്ത്രാലയം
- Published by:Nandu Krishnan
- news18-malayalam
Last Updated:
കാനഡയുമായുള്ള നയതന്ത്ര സംഘർഷങ്ങൾക്കിടയിൽ ഇന്ത്യ തങ്ങളുടെ ഹൈക്കമ്മീഷണറെ പിൻവലിച്ച് ഏകദേശം 10 മാസങ്ങൾക്ക് ശേഷമാണ് പുതിയ ഹൈക്കമ്മീഷണറിന്റെ നിയമനം
കാനഡയിലേക്കുള്ള ഇന്ത്യയുടെ പുതിയ ഹൈക്കമ്മീഷണറായി മുതിർന്ന നയതന്ത്രജ്ഞൻ ദിനേശ് കെ പട്‌നായിക്കിനെ നിയമിച്ചു. നയതന്ത്ര സംഘർഷങ്ങൾക്കിടയിൽ ഇന്ത്യ തങ്ങളുടെ ഹൈക്കമ്മീഷണർ സഞ്ജയ് കുമാർ വർമ്മയെയും കാനഡയിലെ മറ്റ് മുതിർന്ന നയതന്ത്രജ്ഞരെയും പിൻവലിച്ച് ഏകദേശം 10 മാസങ്ങൾക്ക് ശേഷമാണ് പുതിയ ഹൈക്കമ്മീഷണറിന്റെ നിയമനം.1990 ബാച്ച് ഇന്ത്യൻ ഫോറിൻ സർവീസ് (ഐഎഫ്എസ്) ഓഫീസറായ പട്നായിക് നിലവിൽ സ്പെയിനിലെ ഇന്ത്യയുടെ അംബാസഡറായി സേവനമനുഷ്ഠിക്കുകയാണ്. അദ്ദേഹം ഉടൻ തന്നെ കാനഡയിലെ ഇന്ത്യൻ ഹൈക്കമ്മീഷണറായി ചുമതലയേൽക്കുമെന്ന് വിദേശകാര്യമന്ത്രാലയം അറിയിച്ചു.
ബീജിംഗ്, ധാക്ക, വിയന്ന, ജനീവ എന്നിവിടങ്ങളിൽ ഇന്ത്യക്കായി ദിനേശ് കെ പട്‌നായിക്ക് സേവനമനുഷ്ഠിച്ചിട്ടുണ്ട്. മൊറോക്കോ, കംബോഡിയ എന്നിവിടങ്ങളിലെ മുൻ ഇന്ത്യൻ അംബാസഡറും ലണ്ടനിലെ ഡെപ്യൂട്ടി ഹൈക്കമ്മീഷണറുമായിരുന്നു . ഇന്ത്യൻ കൗൺസിൽ ഫോർ കൾച്ചറൽ റിലേഷൻസിന്റെ ഡയറക്ടർ ജനറലും കൂടിയായിരുന്നു അദ്ദേഹം.
അതേസമയം, ഇന്ത്യയിലെ ഹൈക്കമ്മീഷണറായി ക്രിസ്റ്റഫർ കൂട്ടറിനെ നിയമിച്ചതായി കാനഡ വിദേശകാര്യ മന്ത്രി അനിത ആനന്ദ് പ്രഖ്യാപിച്ചു. ന്യൂഡൽഹിയുമായുള്ള നയതന്ത്ര ഇടപെടൽ കൂടുതൽ ആഴത്തിലാക്കുന്നതിനും ഉഭയകക്ഷി സഹകരണം മുന്നോട്ട് കൊണ്ടുപോകുന്നതിനുമുള്ള കാനഡയുടെ ഘട്ടം ഘട്ടമായുള്ള സമീപനത്തെയാണ് പുതിയ നിയമനം പ്രതിഫലിപ്പിക്കുന്നതെന്ന് അനിത ആനന്ദ് പറഞ്ഞു.
advertisement
ഈ വർഷം ജൂണിൽ ആൽബർട്ടയിൽ നടന്ന ജി 7 ഉച്ചകോടിക്കിടെ പ്രധാനമന്ത്രി നരേന്ദ്ര മോദിയും കനേഡിയൻ പ്രധാനമന്ത്രി മാർക്ക് കാർണിയും നടത്തിയ ഉഭയകക്ഷി കൂടിക്കാഴ്ചയെ തുടർന്നാണ് ഇരു രാജ്യങ്ങൾക്കുമിടയിൽ ഹൈക്കമ്മീഷണർമാരെ നിയമിക്കുന്ന പ്രക്രിയ ആരംഭിച്ചതെന്നാണ് റിപ്പോർട്ട്.
ബ്രേക്കിങ് ന്യൂസ്, ആഴത്തിലുള്ള വിശകലനം, രാഷ്ട്രീയം, ക്രൈം, സമൂഹം എല്ലാം ഇവിടെയുണ്ട്. ഏറ്റവും പുതിയ ലോക വാർത്തകൾക്കായി News18 മലയാളത്തിനൊപ്പം വരൂ
Location :
New Delhi,Delhi
First Published :
August 29, 2025 10:25 AM IST
മലയാളം വാർത്തകൾ/ വാർത്ത/World/
കാനഡയിലെ പുതിയ ഇന്ത്യൻ ഹൈക്കമ്മീഷണർ ഉടൻ ചുമതലയേൽക്കുമെന്ന് വിദേശകാര്യമന്ത്രാലയം
