സി പി എം ലണ്ടൻ സമ്മേളനം: ജനേഷ് നായർ ആദ്യ മലയാളി സെക്രട്ടറി

ലണ്ടൻ: സി.പി.എം 24-ാം പാർട്ടി കോൺഗ്രസിൻ്റെ ഭാഗമായി ലണ്ടനിൽ നടന്ന ‘അസോസിയേഷൻ ഓഫ് ഇന്ത്യൻ കമ്യൂണിസ്റ്റ്സ്’ സമ്മേളനത്തിൽ ജനേഷ് നായർ സെക്രട്ടറിയായി തിരഞ്ഞെടുക്കപ്പെട്ടു. സി.പി.എം പോളിറ്റ് ബ്യൂറോ അംഗം അശോക് ധാവളെ സമ്മേളനം ഉദ്ഘാടനം ചെയ്തു. സമ്മേളനത്തിൽ 21 അംഗ എക്സിക്യൂട്ടീവിനെയും തിരഞ്ഞെടുത്തു. ഏഴംഗ സെക്രട്ടേറിയറ്റിനെ പിന്നീട് പുതിയ കമ്മിറ്റി തീരുമാനിക്കും. 1938-ൽ രൂപീകൃതമായ ഇന്ത്യൻ വർക്കേഴ്സ് അസോസിയേഷന്റെ ചുവടുപിടിച്ച് 1967-ൽ സി.പി.എം ഭരണഘടനയും പരിപാടിയും പിന്തുടർന്നാണ്‌ അസോസിയേഷൻ ഓഫ് ഇന്ത്യൻ കമ്മ്യൂണിസ്റ്റ് ലണ്ടനിൽ രൂപീകൃതമായത്.