'ഏഴ് യുദ്ധങ്ങൾ അവസാനിപ്പിച്ചു; നൊബേലിന് അർഹൻ'; ഇന്ത്യ-പാകിസ്ഥാൻ സംഘർഷം അവസാനിപ്പിച്ചത് താനെന്ന് വീണ്ടും ട്രംപ്

ഇന്ത്യ-പാകിസ്ഥാൻ സംഘർഷം അവസാനിപ്പിച്ചത് താനെന്ന് വീണ്ടും ആവർത്തിച്ച് അമേരിക്കൻ പ്രസിഡന്റ് ഡൊണാൾഡ് ട്രംപ്. ഇന്ത്യ-പാകിസ്ഥാൻ സംഘർഷം വ്യാപാര നയതന്ത്രത്തിലൂടെയാണ് താൻ അവസാനിപ്പിച്ചതെന്നും ഇതുവരെ ഏഴ് യുദ്ധങ്ങൾ അവസാനിപ്പിച്ചിട്ടുണ്ടെന്നും അതുകൊണ്ടുതന്നെ നെബേൽ സമ്മാനത്തിന് താൻ അർഹനാണെന്നും ട്രംപ് പറഞ്ഞു.അമേരിക്കൻ കോർണർസ്റ്റോൺ ഇൻസ്റ്റിറ്റ്യൂട്ട് സ്ഥാപക ദിനത്തിലെ അത്താഴവിരുന്നിൽ സംസാരിക്കുകയായിരുന്നു ട്രംപ്. മുമ്പൊരിക്കലും ആദരിക്കപ്പെടാത്ത തരത്തിലാണ് ഇപ്പോൾ അമേരിക്ക ബഹുമാനിക്കപ്പെടുന്നതെന്നും തന്റെ ഭരണത്തിൻ കീഴിൽ ആഗോളതലത്തിൽ അമേരിക്കയ്ക്ക് മുമ്പൊരിക്കലും ലഭിക്കാത്ത തരത്തിലുള്ള പുതിയ ആരാധനയും ബഹുമാനവും ലഭിക്കുന്നുണ്ടെന്നും അദ്ദേഹം പറഞ്ഞതായി പിടിഐ റിപ്പോർട്ട് ചെയ്തു.