'ഗാസ സമാധാന പദ്ധതി  അംഗീകരിച്ചില്ലെങ്കിൽ കാത്തിരിക്കുന്നത് നരകം'; ഹമാസിന് ട്രംപിന്റെ അന്ത്യശാസനം

ഞായറാഴ്ച വൈകുന്നേരം 6 മണിയോടെ ഇസ്രായേലുമായി സമാധാന കരാറിൽ ഏർപ്പെടണമെന്നും ഇല്ലെങ്കിൽ ഹമാസിനെ കാത്തിരിക്കുന്നത് ഇതുവരെ ആരും കണ്ടിട്ടില്ലാത്ത നരകമാണെന്നും മുന്നറിയിപ്പ് നൽകി യുഎസ് പ്രസിഡന്‍റ് ഡൊണാൾഡ് ട്രംപ്. രണ്ട് വർഷമായി തുടരുന്ന ഗാസ യുദ്ധം അവസാനിപ്പിക്കാൻ ഇരുപക്ഷത്തും സമ്മർദം ചെലുത്തുന്ന ട്രംപ്, ഇസ്രായേലി ബന്ദികളെ മോചിപ്പിക്കാനും ശത്രുത അവസാനിപ്പിക്കാനും ഹമാസിന് ഒരു അവസാന അവസരം നൽകുകയാണെന്നും പറഞ്ഞു.തന്റെ ട്രൂത്ത് സോഷ്യൽ പ്ലാറ്റ്‌ഫോമിലെ ഒരു പോസ്റ്റിലാണ് ട്രംപ് ഇക്കാര്യം വ്യക്തമാക്കിയത്.