ഇസ്രായേൽ ആക്രമണത്തിൽ ഇറാൻ റവല്യൂഷനറി ഗാർഡ് മേധാവി ഹൊസൈൻ സലാമി കൊല്ലപ്പെട്ടു
- Published by:Rajesh V
- news18-malayalam
Last Updated:
ആക്രമണത്തില് രണ്ട് മുതിര്ന്ന ആണവ ശാസ്ത്രജ്ഞരും കൊല്ലപ്പെട്ടതായി സ്ഥിരീകരിച്ചിട്ടുണ്ട്
ഇസ്രായേല് ആക്രമണത്തില് ഇറാന് ഇസ്ലാമിക് റവല്യൂഷനറി ഗാര്ഡ് കോര്പ്സ് (IRGC) മേധാവി മേജര് ജനറല് ഹൊസൈന് സലാമി കൊല്ലപ്പെട്ടു. തലസ്ഥാനമായ ടെഹ്റാനില് വെള്ളിയാഴ്ച രാത്രിയില് ഇസ്രായേല് നടത്തിയ ആക്രമണത്തിലാണ് സൈനിക മേധാവി കൊല്ലപ്പെട്ടതെന്ന് ഇറാന് സ്റ്റേറ്റ് മീഡിയ അറിയിച്ചു. ഓപ്പറേഷന് റൈസിംഗ് ലയണ് എന്ന പേരില് ഇറാന്റെ ആണവ പദ്ധതികള് ലക്ഷ്യമിട്ട് ഇസ്രായേല് വെള്ളിയാഴ്ച രാത്രിയില് മിസൈല് ആക്രമണം നടത്തിയിരുന്നു. ഇതിന് പിന്നാലെയാണ് സൈനിക മേധാവി കൊല്ലപ്പെട്ടതായുള്ള സ്ഥിരീകരണം വന്നത്.
2024ല് ഇറാന് ഇസ്രായേലിന് നേരെ ആദ്യമായി നേരിട്ട് നടത്തിയ ആക്രമണത്തിന് ചുക്കാന് പിടിച്ചത് ഹൊസൈന് സലാമിയായിരുന്നു. 300ലധികം ഡ്രോണുകളും മിസൈലുകളും വിന്യസിച്ചായിരുന്നു ആക്രമണം. കഴിഞ്ഞ ദിവസങ്ങളില് ഇസ്രായേല് ഇറാനുനേരെ ആക്രമണം നടത്തുമെന്ന് അഭ്യൂഹങ്ങള് ഉയര്ന്നപ്പോള് ഏത് സാഹചര്യങ്ങളെയും സന്ദര്ഭങ്ങളെയും നേരിടാന് ഇറാന് പൂർണമായി തയാറാണെന്നായിരുന്നു സലാമി വ്യാഴാഴ്ച പറഞ്ഞത്.
ഇതും വായിക്കുക: ഇറാനിൽ ഇസ്രായേൽ ആക്രമണം; ആണവ, സൈനിക കേന്ദ്രങ്ങൾ തകര്ത്തു
ഇറാന്റെ മറ്റു ഉന്നത സൈനിക ഉദ്യോഗസ്ഥരും ഇസ്രായേല് ആക്രമണത്തില് കൊല്ലപ്പെട്ടതായി വിവരമുണ്ട്. എന്നാല് ഹൊസൈന് സലാമിയുടെ മരണം മാത്രമാണ് ഇറാന് സ്ഥിരീകരിച്ചിട്ടുള്ളത്. ആക്രമണത്തില് രണ്ട് മുതിര്ന്ന ആണവ ശാസ്ത്രജ്ഞരും കൊല്ലപ്പെട്ടതായി സ്ഥിരീകരിച്ചിട്ടുണ്ട്. ആറ്റമിക് എനര്ജി ഓര്ഗനൈസേഷന് ഓഫ് ഇറാന്റെ മുന് തലവന് ഫെറൈദൂണ് അബ്ബാസി, ടെഹ്റാനിലെ ഇസ്ലാമിക് ആസാദ് സര്വകലാശാല പ്രസിഡന്റ് മുഹമ്മദ് മെഹ്ദി തെഹ്റാഞ്ചി എന്നിവരാണ് കൊല്ലപ്പെട്ടത്. 2010 ല് ടെഹ്റാനില് ഫെറൈദൂണ് അബ്ബാസിക്ക് നേരെ വധശ്രമം നടന്നിരുന്നു.
advertisement
വെള്ളിയാഴ്ച രാത്രി ഇറാനിലെ ആണവകേന്ദ്രങ്ങളും സൈനിക കേന്ദ്രങ്ങളും ലക്ഷ്യമിട്ട് ആക്രമണം നടത്തിയതായി ഇസ്രായേൽ വ്യക്തമാക്കി. രാജ്യത്തെ പ്രധാന യുറേനിയം സമ്പുഷ്ടീകരണ കേന്ദ്രത്തിലും സ്ഫോടനങ്ങൾ റിപ്പോർട്ട് ചെയ്യപ്പെട്ടു. 'റൈസിംഗ് ലയൺ' എന്ന് പേരിട്ട സൈനിക നീക്കം മിസൈൽ ഫാക്ടറികളെ അടക്കം ലക്ഷ്യമിട്ടതായി ഇസ്രായേൽ അവകാശപ്പെടുന്നു.
ആക്രമണത്തിന് പിന്നാലെ ഇറാനില് നിന്നുള്ള തിരിച്ചടി സാധ്യത കണക്കിലെടുത്ത് ഇസ്രായേലില് അടിയന്തരാവസ്ഥ പ്രഖ്യാപിച്ചിട്ടുണ്ട്. ആക്രമണം തടയാന് വ്യോമപ്രതിരോധ സംവിധാനങ്ങള് പ്രവര്ത്തനക്ഷമമാക്കിയതായി രാജ്യാന്തര മാധ്യമങ്ങള് റിപ്പോർട്ട് ചെയ്യുന്നു. ഇറാന്റെ ആണവായുധ നിര്മാണം തടയുക എന്ന ലക്ഷ്യം മുന്നിര്ത്തിയായിരുന്നു ആക്രമണമെന്ന് ഇസ്രായേല് പ്രധാനമന്ത്രി ബെഞ്ചമിന് നെതന്യാഹു പറഞ്ഞു.
advertisement
Summary: Israeli strikes on Iran on Friday killed Iran’s Revolutionary Guards Commander Hossein Salami, local media reported. “Major General Hossein Salami, head of the Islamic Revolutionary Guard Corps, was martyred in the Israeli regime’s attack on the IRGC headquarters," Tasnim news agency reported.
Click here to add News18 as your preferred news source on Google. ബ്രേക്കിങ് ന്യൂസ്, ആഴത്തിലുള്ള വിശകലനം, രാഷ്ട്രീയം, ക്രൈം, സമൂഹം എല്ലാം ഇവിടെയുണ്ട്. ഏറ്റവും പുതിയ ലോക വാർത്തകൾക്കായി News18 മലയാളത്തിനൊപ്പം വരൂ
Location :
New Delhi,New Delhi,Delhi
First Published :
Jun 13, 2025 10:13 AM IST
മലയാളം വാർത്തകൾ/ വാർത്ത/World/
ഇസ്രായേൽ ആക്രമണത്തിൽ ഇറാൻ റവല്യൂഷനറി ഗാർഡ് മേധാവി ഹൊസൈൻ സലാമി കൊല്ലപ്പെട്ടു
