അമ്പട ട്രംപേ! 'ഞാൻ സ്വർഗത്തിൽ എത്തും'; മതം രാഷ്ട്രീയത്തിന്റെ കേന്ദ്രബിന്ദുവാക്കിയതിൽ സ്വയം പ്രശംസിച്ച് അമേരിക്കൻ പ്രസിഡണ്ട്

വ്യാഴാഴ്ച നടന്ന 'നാഷണൽ പ്രയർ ബ്രേക്ക്‌ഫാസ്റ്റിൽ' സംസാരിക്കവേ, തന്റെ പഴയ കമന്റ് വെറും തമാശയായിരുന്നുവെന്നും മാധ്യമങ്ങൾക്ക് തന്റെ നർമ്മബോധം മനസ്സിലാകാത്തതാണെന്നും അദ്ദേഹം പരിഹസിച്ചു.

"ഞാൻ സ്വർഗ്ഗത്തിൽ എത്തുമെന്ന് തന്നെയാണ് ഞാൻ കരുതുന്നത്," ട്രംപ് പറഞ്ഞു. "ഞാൻ ഒരു തികഞ്ഞ സ്ഥാനാർത്ഥിയായിരിക്കില്ല, പക്ഷേ തികഞ്ഞവരായ മനുഷ്യർക്ക് വേണ്ടി ഒരുപാട് നല്ല കാര്യങ്ങൾ ഞാൻ ചെയ്തിട്ടുണ്ട്,"  അദ്ദേഹം കൂട്ടിച്ചേർത്തു. മതത്തെ സംരക്ഷിക്കുന്നതിനായി താൻ ചെയ്ത പ്രവർത്തനങ്ങളെ അദ്ദേഹം എടുത്തുപറഞ്ഞു.

മുൻ ഭരണകൂടങ്ങളെ വിമർശിച്ചുകൊണ്ട്, മറ്റൊരു പ്രസിഡന്റും ചെയ്തിട്ടില്ലാത്ത അത്രയും കാര്യങ്ങൾ താൻ മതത്തിനായി ചെയ്തിട്ടുണ്ടെന്നും അദ്ദേഹം അവകാശപ്പെട്ടു. "വിശ്വാസമുള്ള ഒരാൾക്ക് എങ്ങനെ ഡെമോക്രാറ്റുകൾക്ക് വോട്ട് ചെയ്യാൻ കഴിയുമെന്ന് എനിക്ക് മനസ്സിലാകുന്നില്ല," അദ്ദേഹം പറഞ്ഞു. സ്കൂളുകളിൽ പ്രാർത്ഥനയെ പിന്തുണച്ചും, ട്രാൻസ്‌ജെൻഡർ നയങ്ങൾ നടപ്പിലാക്കിയും, വൈറ്റ് ഹൗസിൽ പ്രത്യേക 'ഫെയ്ത്ത് ഓഫീസ്' സ്ഥാപിച്ചും ക്രിസ്തുമതത്തെ അമേരിക്കൻ രാഷ്ട്രീയത്തിന്റെയും സംസ്കാരത്തിന്റെയും മുഖ്യധാരയിൽ എത്തിക്കാൻ താൻ പരിശ്രമിച്ചുവെന്നും ട്രംപ് അവകാശപ്പെട്ടു.