യുദ്ധത്തിൽ ഇന്ത്യക്കാരെ ഉപയോഗിക്കുന്നുവെന്ന് ആരോപണം; റഷ്യൻ സൈന്യത്തില്‍ നിന്ന് നിരവധി ഇന്ത്യക്കാരെ വിട്ടയച്ചതായി വിദേശകാര്യ മന്ത്രാലയം

റഷ്യൻ സൈന്യത്തിൽ സഹായികളായി ജോലി ചെയ്തിരുന്ന നിരവധി ഇന്ത്യക്കാരെ വിട്ടയച്ചതായി ഇന്ത്യൻ വിദേശകാര്യ മന്ത്രാലയം (എംഇഎ) തിങ്കളാഴ്ച അറിയിച്ചു. ഇന്ത്യയുടെ ആവശ്യത്തെ തുടർന്നാണ് ഈ നടപടി. റഷ്യ- യുക്രെയ്ൻ യുദ്ധത്തിൽ (Russia-Ukraine war) ഇന്ത്യക്കാരെ ഉപയോഗിക്കുന്നതായി ആരോപണങ്ങൾ ഉയർന്നുവന്നതിന് പിന്നാലെയാണ് ഈ നീക്കം. റഷ്യയുടെ യുക്രെയ്നുമായുള്ള ചില അതിർത്തി പ്രദേശങ്ങളില്‍ റഷ്യന്‍ സൈന്യത്തിനൊപ്പം സുരക്ഷാ സഹായികളായി ജോലി ചെയ്തിരുന്ന ഇന്ത്യക്കാരെ യുദ്ധത്തിലേര്‍പ്പെടാന്‍ നിർബന്ധിച്ചതായും റിപ്പോർട്ടുണ്ട്.