യുകെയിലെ കാഞ്ഞിരപ്പള്ളിക്കാർ കവന്ററിയിൽ ഒത്തുചേർന്നു

യു കെ യുടെ വിവിധ ഭാഗങ്ങളിലെ കോട്ടയം കാഞ്ഞിരപ്പള്ളി സ്വദേശികളുടെ നേതൃത്വത്തിൽ കാഞ്ഞിരപ്പള്ളി സംഗമം കവന്ററിയിൽ വെച്ച് ആഘോഷപൂർവമായി നടന്നു. ഇത് അഞ്ചാം തവണയാണ് സംഗമം നടക്കുന്നത്. ശനിയാഴ്ച രാവിലെ 10 മണിയോടെ യുകെയുടെ പല ഭാഗങ്ങളിൽ നിന്നുള്ളവർ എത്തിച്ചേർന്നതോടെ പരിപാടി ആരംഭിച്ചു.സ്വദേശത്ത് വർഷങ്ങൾക്കു മുൻപ് കണ്ടു മറന്ന പല സുഹൃത്തുക്കളെയും കണ്ടതിലുള്ള സന്തോഷം ഏവരുടെയും മുഖത്ത് പ്രകടമായിരുന്നു.