ഹോളിവുഡ് സംവിധായകന്‍ റോബ് റെയ്‌നറും ഭാര്യയും കൊല്ലപ്പെട്ട സംഭവത്തിൽ‌ മകൻ അറസ്റ്റിൽ

മെഡിക്കൽ സഹായം ആവശ്യപ്പെട്ടുള്ള ഫോൺ കോളിനെ തുടർന്നെത്തിയ സംഘമാണ് ഞായറാഴ്ച പ്രാദേശിക സമയം വൈകിട്ട് 3.40 ഓടെ ലൊസാഞ്ചലസിലെ വീട്ടിൽ വയോധികരായ രണ്ടു പേരെ മരിച്ച നിലയിൽ കണ്ടെത്തിയത്. പിന്നീടാണ് കൊല്ലപ്പെട്ടത് റോബ് റെയ്‌നറും ഭാര്യ മിഷേല്‍ റെയ്‌നറുമാണെന്ന് തിരിച്ചറിഞ്ഞതെന്ന് വാർത്താ ഏജൻസി റിപ്പോർട്ടു ചെയ്‌തു. റോബിന്റെ ഭാര്യ മിഷേൽ സിങ്ങർ ഫൊട്ടോഗ്രഫറാണ്. ഇരുവരുടെയും ശരീരത്തില്‍ കുത്തേറ്റപാടുകളുണ്ടായിരുന്നുവെന്ന് റിപ്പോർട്ടുകളുണ്ടായിരുന്നു.

സംവിധായകനായും നടനായും പ്രശസ്‌തനായ റോബ്, കോമഡി ഇതിഹാസം കാള്‍ റെയ്‌നറുടെ മകനാണ്. 1980–90 കളിൽ ശ്രദ്ധേയമായ ഒട്ടേറെ സിനിമകൾ സംവിധാനം ചെയ്തു. 1970 കളിലെ ക്ലാസിക് ടിവി പരമ്പരയായ ഓൾ ഇൻ ദ് ഫാമിലിയിലൂടെ നടനെന്ന നിലയിൽ അംഗീകാരം നേടി. 1984 ൽ ഇറങ്ങിയ ‘ദിസ് ഈസ് സ്പൈനൽ ടാപ്’ ആണ് ആദ്യമായി സംവിധാനം ചെയ്തത്. ഈ സിനിമയിൽ നായകനുമായി. വെൻ ഹാരി മെറ്റ് സാലി (1989), ദ് പ്രിൻസസ് ബ്രൈഡ് (1987), മിസറി (1990), എ ഫ്യു ഗുഡ്‌മെൻ (1992) എന്നിവയാണ് മറ്റു പ്രധാന സിനിമകൾ.

Summary: Police have arrested Nick Reiner, the son of Hollywood director Rob Reiner (78) and his wife Michele Reiner (68), in connection with their fatal stabbing. It is reported that Nick stabbed and killed both of them. Police stated that the investigation into the case is ongoing. Nick is Rob Reiner's second son. Reports also indicate that Nick has been undergoing treatment for drug addiction for several years.