പത്രസമ്മേളനത്തിന് രണ്ടു മണിക്കൂർ വൈകി; മന്ത്രിയോട് മാധ്യമപ്രവർത്തകരുടെ 'കടക്ക് പുറത്ത്'

ജനാധിപത്യത്തിന്റെ നാലാം തൂണ് എന്നാണ് മാധ്യമങ്ങളെ വിശേഷിപ്പിക്കാറ്. പൗരന്മാരുടെ അവകാശങ്ങൾക്കു വേണ്ടി പോരാടാനും രാഷ്ട്രീയ വിഷയങ്ങൾ ഉന്നയിക്കാനുമുള്ള മാധ്യമങ്ങളുടെ ശേഷി കൊണ്ടാണ് ഇത്തരമൊരു വിശേഷണം ലഭിച്ചത്. എന്നാൽ, ഇക്കാലത്ത് വാർത്തകൾ രാഷ്ട്രീയ നേതാക്കളെയും കായിക താരങ്ങളെയും മറ്റു സെലബ്രിറ്റികളെയും ചുറ്റിപ്പറ്റി ആയതു കൊണ്ട് പലപ്പോഴും മാധ്യമ പ്രവർത്തകർക്ക് തങ്ങളുടെ സമയം ഇന്റർവ്യൂ ചെയ്യപ്പെടുന്ന ആളുകളുടെ സൗകര്യത്തിന് വേണ്ടി ക്രമീകരിക്കേണ്ട സാഹചര്യം ഉണ്ടാവാറുണ്ട്.