'മുഖത്ത് ചുളിവുണ്ടായാലും കർത്താവിൻ്റെ സ്നേഹം പോകില്ല'; സൗന്ദര്യവർധക ശസ്ത്രക്രിയക്കെതിരെ മാർപാപ്പയുടെ മുന്നറിയിപ്പ്

കത്തോലിക്കർ സൗന്ദര്യവർദ്ധക ശസ്ത്രക്രിയ ഉപയോഗിക്കുന്നതിനെതിരെ മാർപ്പാപ്പയുടെ മുന്നറിയിപ്പ്. മുഖത്ത് ചുളിവുകൾ ഉണ്ടായാലും വയസായാൽ കർത്താവ് നിങ്ങളെ സ്നേഹിക്കുമെന്ന് ലിയോ പതിനാലാമൻ മാർപ്പാപ്പ അംഗീകരിച്ച പുതിയ രേഖയിൽ പറയുന്നു. ലോകത്തിലെ 140 കോടി കത്തോലിക്കർക്കാണ് മുന്നറിയിപ്പ്. സഭ നേരിടുന്ന സൈദ്ധാന്തികമായ ചോദ്യങ്ങളിൽ മാർപ്പാപ്പയെ ഉപദേശിക്കുന്ന വത്തിക്കാന്റെ അന്താരാഷ്ട്ര ദൈവശാസ്ത്ര കമ്മീഷന്റെ മാർച്ച് 4 ന് രേഖയിലാണ് മുന്നറിയിപ്പ് വന്നിരിക്കുന്നത്. അത് ശരീര ആരാധനയിലേക്കും പൂർണതയുള്ള ശരീരത്തിനായുള്ള യാഥാർത്ഥ്യബോധമില്ലാത്ത അന്വേഷണത്തിലേക്കും നയിച്ചേക്കാം എന്നും രേഖ പറയുന്നു.