യൂട്യൂബ് നോക്കി മസ്തിഷ്കത്തിൽ ഡ്രിൽ ചെയ്ത് ചിപ്പ് ഘടിപ്പിക്കാൻ ശ്രമിച്ച യുവാവ് ഗുരുതരാവസ്ഥയില്‍

ഒരു ഡ്രിൽ വാങ്ങി തലയിൽ ഒരു ദ്വാരം ഉണ്ടാക്കുകയും മസ്തിഷ്കത്തിലേക്ക് ഇലക്ട്രോഡ് നിക്ഷേപിക്കുകയായിരുന്നുവെന്ന് ഒരു പ്രാദേശിക മാധ്യമത്തിനു നൽകിയ അഭിമുഖത്തിൽ മിഖായേൽ റഡുഗ പറഞ്ഞു. ഡ്രിൽ ഉപയോഗിച്ച് ദ്വാരം ആക്കിയതിലൂടെ ധാരാളം രക്തം നഷ്ടമായി. മരണത്തെ മുഖാമുഖം കണ്ടതായും മിഖായേൽ റഡുഗ പറയുന്നു. 2023 മേയ് 17നാണ് മസ്തിഷ്കത്തിൽ പരീക്ഷണം നടത്തിയതെന്നും റഡുഗ പറയുന്നു.

ഇതിനെ തുടർന്ന് ആശുപത്രിയിൽ പ്രവേശിക്കുകയും അവിടെ നടത്തിയ മസ്തിഷ്ക എക്സ്റേയിൽ ഇലക്ട്രോഡ് കണ്ടെത്തുകയുമായിരുന്നു. പിന്നീട് ശസ്ത്രക്രിയ നടത്തിയതിന്റെ ചിത്രങ്ങളും എക്സ്റേ ദൃശ്യങ്ങളും റഡുഗ പോസ്റ്റ് ചെയ്തു. ഒരുവർഷം മുൻപാണ് ഇത്തരത്തിൽ ഒരു പരീക്ഷണം നടത്താൻ റഡുഗ തീരുമാനിക്കുന്നത്. നാലു മണിക്കൂർ നീണ്ട ശസ്ത്രക്രിയയിൽ ലിറ്റർ കണക്കിനു രക്തം റഡുഗയ്ക്കു നഷ്ടമായി.