ഒടുവിൽ സ്വീഡനും നാറ്റോ സഖ്യത്തിൽ അംഗമായി; 'ചരിത്രമെന്ന്' യുഎസ് സ്റ്റേറ്റ് സെക്രട്ടറി ആന്റണി ബ്ലിങ്കെൻ

സ്വീഡൻ ഔദ്യോഗികമായി നാറ്റോ സൈനിക സഖ്യത്തിലെ 32-ാം അംഗമായി. വാഷിംഗ്ടണിൽ നടന്ന ചടങ്ങിൽ സ്വീഡന് രേഖകൾ കൈമാറി. ഇത് 'ചരിത്ര നേട്ടമെന്ന്' യുഎസ് സ്റ്റേറ്റ് സെക്രട്ടറി ആൻ്റണി ബ്ലിങ്കെൻ പറഞ്ഞു. ഇത് റഷ്യയുടെ പതനത്തെയാണ് അടയാളപ്പെടുത്തുന്നതെന്നും അദ്ദേഹം പറഞ്ഞു. കാത്തിരിക്കുന്നവർക്ക് നല്ല കാര്യങ്ങൾ വന്നു ചേരുമെന്ന് സ്വീഡൻ്റെ പ്രധാനമന്ത്രിയിൽ നിന്ന് നാറ്റോ പ്രവേശനത്തിനായുള്ള രേഖകൾ സ്വീകരിച്ചുകൊണ്ട് ബ്ലിങ്കെൻ പറഞ്ഞു. മറ്റ് 31 അംഗങ്ങളുടെ അംഗീകാരം ലഭിച്ചതിനെ തുടർന്നാണ് സ്വീഡന് നാറ്റോ അംഗത്വം നൽകിയത്.