‘പ്രസിഡന്റിന് തോന്നിയതൊന്നും ചെയ്യാൻ കഴിയില്ല’ തീരുവ കേസ് വിജയിച്ചതിന് പിന്നാലെ ഇന്ത്യൻ വംശജനായ അഭിഭാഷകൻ

പ്രസിഡന്റിന് തോന്നിയതൊന്നും ചെയ്യാൻ കഴിയില്ലെന്നും അങ്ങേയറ്റം ധ്രുവീകരിക്കപ്പെട്ട ഒരു നിയമകാലഘട്ടത്തിൽ ഈ വിധി വേറിട്ടുനിൽക്കുന്ന ഒന്നാണെന്നും ട്രംപിന്റെ വ്യാപകമായ നികുതി പരിഷ്കാരങ്ങൾക്കെതിരെ സുപ്രീം കോടതിയിൽ വാദിച്ച് വിജയിച്ച ഇന്ത്യൻ വംശജനായ അഭിഭാഷകൻ നീൽ കത്യാൽ. ട്രംപ് തന്നെ നിയമിച്ച രണ്ട് ജസ്റ്റിസുമാർ ഉൾപ്പെടെയുള്ളവരാണ് ട്രംപിനെതിരായ ഈ നിർണ്ണായക വിധിയിൽ പങ്കാളികളായത്. ഇത്തരം ഹൈ-പ്രൊഫൈൽ കേസുകളിൽ പലപ്പോഴും 5-4 എന്ന നിലയിലുള്ള വിധികളാണ് വരാറുള്ളതെങ്കിലും, ഈ കേസിൽ അത് 6-3 എന്ന നിലയിലായിരുന്നുവെന്നും ട്രംപ് നിയമിച്ച മൂന്ന് പേരിൽ രണ്ട് പേർ അദ്ദേഹത്തിന് എതിരെ വോട്ട് ചെയ്തുവെന്നത് ശ്രദ്ധേയമാണെന്നും സിഎൻഎന്നിന് നൽകിയ അഭിമുഖത്തിൽ കത്യാൽ പറഞ്ഞു.