ടാഗോറിനു ശേഷം നൊബേൽ നേടുന്ന ഇന്ത്യൻ വംശജനാകുമോ സൽമാൻ റുഷ്ദി; സാഹിത്യ നൊബേൽ വ്യാഴാഴ്ച പ്രഖ്യാപിക്കും
- Published by:Amal Surendran
- news18-malayalam
Last Updated:
വ്യാഴാഴ്ചയാണ് നൊബേൽ അക്കാദമി വിജയിയെ പ്രഖ്യാപിക്കുക. ഇതിനോടകം പല പ്രമുഖരും സാധ്യതകൾ വിശകലനം ചെയ്തിട്ടുണ്ട്.
മിഡ്നൈറ്റ്സ് ചിൽഡ്രന്റെ സ്രഷ്ടാവ് സൽമാൻ റുഷ്ദിക്ക് ഈ വർഷത്തെ സാഹിത്യത്തിനുള്ള നോബൽ സമ്മാനം നേടാന് സാധ്യത. യുകെയിലെ സാഹിത്യപ്രേമികളുടെ വാതുവെപ്പുകൾക്കിടയിലാണ് പ്രധാനമായും ഇങ്ങനെയൊരു പ്രവചനം. ഇന്ത്യൻ-ഇംഗ്ലീഷ് എഴുത്തുകാരിൽ അതികായനാണ് റുഷ്ദി. 75-കാരനായ ഈ ബ്രിട്ടീഷ് അമേരിക്കൻ നോവലിസ്റ്റ് വിജയിക്കുകയാണെങ്കിൽ, രവീന്ദ്രനാഥ ടാഗോർ 1913-ൽ ഗീതാഞ്ജലിക്ക് നൊബേൽ നേടിയതിനുശേഷം ഈ ബഹുമതി നേടുന്ന ആദ്യത്തെ ഇന്ത്യൻ വംശജനായ എഴുത്തുകാരനാകും.
സാഹിത്യരംഗത്ത് ഏറ്റവും മികച്ച കൃതി സൃഷ്ടിച്ച വ്യക്തിക്ക് നൊബേൽ കമ്മിറ്റി നൽകുന്ന 10 മില്യൺ സ്വീഡിഷ് ക്രോണയുടെ സമ്മാനം. വ്യാഴാഴ്ചയാണ് നൊബേൽ അക്കാദമി വിജയിയെ പ്രഖ്യാപിക്കുക. ഇതിനോടകം പല പ്രമുഖരും സാധ്യതകൾ വിശകലനം ചെയ്തിട്ടുണ്ട്. റുഷ്ദി വിജയിക്കുന്നതിനുള്ള ഏറ്റവും കുറഞ്ഞ സാധ്യതയായി 13/2 ആണ് ദി ഗാർഡിയൻ പത്രം ചൊവ്വാഴ്ച ഉച്ചതിരിഞ്ഞ് കണക്കാക്കിയത്.
ഇറാന്റെ മുൻ പരമോന്നത നേതാവ് ആയത്തുള്ള ഖൊമേനിയുടെ ഫത്വയ്ക്ക് കാരണമായ വിവാദപരമായ ദി സാത്താനിക് വേഴ്സ്' റുഷ്ദിയുടെ സമൃദ്ധമായ സാഹിത്യകൃതികളിൽ ഉൾപ്പെടുന്നു. ഇത് പലതരം ആക്രമണങ്ങളും അദ്ദേഹത്തിനു നേർക്ക് ഉണ്ടാവാൻ കാരണമായി.
advertisement
മതനിന്ദയാണെന്ന് ആരോപിക്കപ്പെടുന്ന നോവലിന്റെ പേരിൽ എഴുത്തുകാരനെ വധിക്കാൻ മുസ്ലീങ്ങളോട് ആഹ്വാനം ചെയ്യുന്ന ഖൊമേനിയുടെ ഫത്വയ്ക്ക് 33 വർഷങ്ങൾക്ക് ശേഷമാണ് ന്യൂയോർക്ക് ആസ്ഥാനമായുള്ള റുഷ്ദിക്കെതിരെ ആഗസ്ത് 12 ന് ആക്രമണം ഉണ്ടായത്. 24 കാരനായ ഹാദി മാതറിനെതിരെ കൊലപാതകശ്രമത്തിനും ആക്രമണത്തിനും കുറ്റം ചുമത്തിയിട്ടുണ്ട്.
നൈസർ ഓഡ്സ് അഗ്രിഗേറ്റർ പറയുന്നതനുസരിച്ച്, ഫ്രഞ്ച് എഴുത്തുകാരായ മൈക്കൽ ഹൂലെബെക്ക്, ആനി എർണാക്സ്, കനേഡിയൻമാരായ ആൻ കാർസൺ, മാർഗരറ്റ് അറ്റ്വുഡ്, ജാപ്പനീസ് എഴുത്തുകാരൻ ഹരുകി മുറകാമി, അമേരിക്കൻ സ്റ്റീഫൻ കിംഗ് എന്നിവരും വിജയിക്കുവാനുള്ള സാധ്യതകളിൽ ഉൾപ്പെടുന്നു.
advertisement
2021 ലെ സാഹിത്യത്തിനുള്ള നോബൽ സമ്മാനം ടാൻസാനിയൻ വംശജനും ബ്രിട്ടീഷ് നോവലിസ്റ്റും അക്കാദമിക് വിദഗ്ധനുമായ അബ്ദുൾറസാഖ് ഗുർനയ്ക്കായിരുന്നു. കൊളോണിയലിസത്തിന്റെ ഫലങ്ങളേയും സംസ്കാരങ്ങൾക്കും ഭൂഖണ്ഡങ്ങൾക്കും ഇടയിലുള്ള ഗൾഫിലെ അഭയാർത്ഥിയുടെ വിധിയേയും വിട്ടുവീഴ്ചയില്ലാത്തതും അനുകമ്പയുള്ളതുമായ ശൈലിയിൽ അവതരിപ്പിച്ചതായിരുന്നു അദ്ദേഹത്തെ അർഹനായി.
Click here to add News18 as your preferred news source on Google. ബ്രേക്കിങ് ന്യൂസ്, ആഴത്തിലുള്ള വിശകലനം, രാഷ്ട്രീയം, ക്രൈം, സമൂഹം എല്ലാം ഇവിടെയുണ്ട്. ഏറ്റവും പുതിയ ലോക വാർത്തകൾക്കായി News18 മലയാളത്തിനൊപ്പം വരൂ
Location :
First Published :
Oct 05, 2022 10:32 AM IST
മലയാളം വാർത്തകൾ/ വാർത്ത/World/
ടാഗോറിനു ശേഷം നൊബേൽ നേടുന്ന ഇന്ത്യൻ വംശജനാകുമോ സൽമാൻ റുഷ്ദി; സാഹിത്യ നൊബേൽ വ്യാഴാഴ്ച പ്രഖ്യാപിക്കും
