‘ശരിയായ ആശയം’: റഷ്യയിൽ നിന്ന് എണ്ണ വാങ്ങുന്നതിന് ഇന്ത്യയ്ക്കെതിരായ ട്രംപിന്റെ ഉയർന്ന താരിഫിനെ പിന്തുണച്ച് സെലൻസ്കി

റഷ്യൻ യുദ്ധത്തെക്കുറിച്ച് എബിസി ന്യൂസുമായി നടത്തിയ അഭിമുഖത്തിലാണ് സെലെൻസ്കി ഈ നിലപാട് വ്യക്തമാക്കിയത്. മോദി, ഷി ജിൻപിങ്, പുടിൻ എന്നിവരുടെ കൂടിക്കാഴ്ചയെക്കുറിച്ചും ഇന്ത്യക്ക് മേൽ ട്രംപ് താരിഫ് ചുമത്താനുള്ള സാധ്യതയെക്കുറിച്ചും ചോദിച്ചപ്പോഴാണ് അദ്ദേഹം ഇപ്രകാരം പ്രതികരിച്ചത്. അടുത്തിടെ റഷ്യ ഉക്രെയ്നിൽ നടത്തിയ ഏറ്റവും വലിയ വ്യോമാക്രമണത്തിന് ശേഷം, റഷ്യക്കെതിരെ ശക്തമായ ഉപരോധങ്ങൾ ഏർപ്പെടുത്തണമെന്ന് സെലെൻസ്കി ആവശ്യപ്പെട്ടു.

എക്സിൽ പങ്കുവെച്ച പോസ്റ്റുകളിലൂടെയും സെലെൻസ്കി റഷ്യക്കെതിരായ ഉപരോധങ്ങൾക്ക് ആഹ്വാനം ചെയ്തു. റഷ്യൻ ആക്രമണം അതിരുകടന്നതാണെന്നും, അവരുടെ നഷ്ടം അവർ തിരിച്ചറിയണമെന്നും അദ്ദേഹം പറഞ്ഞു. പ്രസ്താവനകൾക്കപ്പുറം കർശനമായ നടപടികൾ വേണമെന്നും, അതിൽ താരിഫുകളും വ്യാപാര നിയന്ത്രണങ്ങളും ഉൾപ്പെടുത്തണമെന്നും അദ്ദേഹം ആവശ്യപ്പെട്ടു.