Mohanlal | ഇതാ ഓജസും തേജസുമുള്ള ലാലേട്ടൻ; മോഹൻലാൽ ആശുപത്രിയിലെന്നു കേട്ട് വിഷമിച്ചവർക്ക് മുന്നിലേക്ക് അദ്ദേഹം

പ്രേക്ഷകർക്കും ആരാധകർക്കുമിടയിൽ ആശങ്ക നൽകിയ വാർത്തയാണ് നടൻ മോഹൻലാലിന്റെ (Mohanlal) ആശുപത്രി വാസം. കടുത്ത പനിയും ശ്വാസതടസവുമായി, കൊച്ചിയിലെ സ്വകാര്യ ആശുപത്രിയിൽ മോഹൻലാൽ ചികിത്സയിലായിരുന്നു എന്നാണ് റിപ്പോർട്ടുകളിൽ വന്ന പരാമർശം. മോഹൻലാലിന് അഞ്ചു ദിവസത്തെ വിശ്രമവും ഡോക്‌ടർമാർ നിർദേശിച്ചിരുന്നു. എന്നാലിപ്പോൾ പ്രചരിക്കുന്നത് ആരോഗ്യമുള്ള ഓജസും തേജസുമുള്ള മോഹൻലാലിന്റെ ദൃശ്യങ്ങളാണ്

മോഹൻലാൽ ആശുപത്രിയിൽ എന്ന വാർത്ത വന്നതിനു പിന്നാലെയാണ് ഈ ദൃശ്യങ്ങൾ പുറത്തെത്തിയത്. മഴവില്‍ എന്‍റര്‍ടൈന്‍മെന്‍റ് അവാര്‍ഡ് റിഹേഴ്‌സൽ ക്യാമ്പിലാണ് മോഹൻലാൽ ഇവിടെ. ഇടവേള ബാബു, സിദ്ധിഖ്, ഫഹദ് ഫാസിൽ, ആസിഫ് അലി, അർജുൻ അശോകൻ തുടങ്ങിയവർ ഈ ക്യാമ്പിൽ പങ്കെടുക്കുന്നുണ്ട് (തുടർന്ന് വായിക്കുക)

മോഹൻലാലിന്റെ ഫാൻ പേജുകളിലൂടെയാണ് ഈ ദൃശ്യങ്ങൾ സജീവമായി പ്രചരിക്കുന്നത്. മോഹൻലാൽ ആശുപത്രിയിൽ നിന്നും പുറത്തിറങ്ങിയോ, അദ്ദേഹത്തിന്റെ ആരോഗ്യം പൂർവസ്ഥിതിയിലായോ, തുടങ്ങിയ ആശങ്കയുള്ളവർക്ക് മുന്നിലേക്ക് എത്തുന്ന ഈ ദൃശ്യങ്ങൾ ആശ്വാസകരമാണ്

അറുപതുകളുടെ പകുതിയെത്തിയ മോഹൻലാൽ, ജീവിതത്തിൽ ഫിറ്റ്നെസ്സിന് ഏറെ പ്രാധാന്യം നൽകുന്ന വ്യക്തിയാണ്. ഏതു തിരക്കിലും ഒരു ദിവസം കൃത്യമായി ജിം വ്യായാമം മുടക്കാൻ മോഹൻലാൽ തീരുമാനിക്കില്ല എന്ന് അദ്ദേഹത്തിന്റെ ട്രെയിനർ സാക്ഷ്യപ്പെടുത്തിയിരുന്നു

കൂടാതെ, മോഹൻലാൽ സിനിമാ ജീവിതത്തിൽ ആദ്യമായി സംവിധായകനാവുന്ന ചിത്രം ഈ വർഷം പുറത്തിറങ്ങാൻ തയാറെടുക്കുകയാണ്. കുട്ടികൾക്ക് കൂടി വേണ്ടിയാണ് താൻ സിനിമ സംവിധാനം ചെയ്യുന്നത് എന്ന് മോഹൻലാൽ നേരത്തെ പറഞ്ഞിരുന്നു

ക്യാമറയ്ക്കു മുന്നിലും പിന്നിലും കുട്ടികളുടെ സാന്നിധ്യമുള്ള മോഹൻലാൽ ചിത്രം 'ബറോസ്' ഒക്ടോബർ മാസത്തിൽ പുറത്തിറങ്ങും. കോവിഡ് കാലത്തിനു മുൻപ് ഷൂട്ട് ചെയ്ത ചിത്രം, കുട്ടികളുടെ പ്രായത്തിൽ വ്യത്യാസം വന്നതിനാൽ, പിന്നീട് മോഹൻലാൽ റീ-ഷൂട്ട് ചെയ്യേണ്ടതായി വന്നിരുന്നു

മോഹൻലാൽ ഒരു ജിം ട്രെയിനിങ് സെഷനിടയിൽ. ബറോസിന് മുൻപായി, 'മലൈക്കോട്ടൈ വാലിബൻ' ആണ് ഈ വർഷം പുറത്തിറങ്ങിയ മോഹൻലാൽ ചിത്രം. മറ്റൊരു വമ്പൻ ചിത്രമായ 'L2 എമ്പുരാൻ' അടുത്ത വർഷം പുറത്തിറങ്ങും