Actor Bala | എലിസബത്തിനെ മറന്നോ, ദിസ് ഈസ് റാങ് എന്ന് ആരാധകർ; ബാലയുടെ പുതിയ ചിത്രത്തിനും പോസ്റ്റിനും വിമർശനം

നടൻ ബാലയുടെ (Actor Bala) അടുത്തകാലത്തായുള്ള ചില സോഷ്യൽ മീഡിയാ പോസ്റ്റുകൾ സുഹൃത്തുക്കൾക്കോ സഹായം ചെയ്തു കൊടുക്കുന്നവർക്കോ ഒപ്പമുള്ളതാണ്. കടുത്ത പ്രതിസന്ധി ഘട്ടത്തിൽ കൂടെയുണ്ടായിരുന്ന ഭാര്യ എലിസബത്ത് ഉദയനെ ഇപ്പോൾ ബാലയുടെ ഒരു പോസ്റ്റിലും കാണാറില്ല. എലിസബത്തിന്റെ ഫേസ്ബുക്ക് പോസ്റ്റുകളിൽ ബാലയും ഇല്ല. അതേസമയം, ബാലയുടെ ഏറ്റവും പുതിയ ചിത്രത്തിൽ കൂടെ ഒരു യുവതിയുണ്ട്

മൂന്നാം വിവാഹവാർഷികത്തിനു പോലും ബാലയും എലിസബത്തും ഒന്നിച്ചുണ്ടായില്ല എന്നതാണ് വാസ്തവം. എന്നാൽ, ബാലയുടെ വീട്ടിൽ എലിസബത്ത് ഒഴികെ പലരും സന്ദർശകരായും വിരുന്നുകാരായും വരുന്നുണ്ട് എന്ന് ബാലയുടെ പോസ്റ്റുകൾ പറയും (തുടർന്ന് വായിക്കുക)

പുതിയ പോസ്റ്റിൽ ബാലയുടെ കൂടെയുള്ള യുവതി മുറപ്പെണ്ണായ കോകില എന്നാണ് വിവരം. ഇതിന്റെ താഴെയെത്തി നിരവധിപ്പേരാണ് എലിസബത്തിനെ അന്വേഷിക്കുന്നത്. എലിസബത്ത് അച്ഛനമ്മമാർക്കൊപ്പം വിദേശ സന്ദർശനം നടത്തുന്ന ദൃശ്യങ്ങൾ അവരുടെ ഫേസ്ബുക്ക് പേജിൽ നിരക്കുന്നുമുണ്ട്

കോകിലയുടെ കൂടെയുള്ള ദൃശ്യങ്ങൾ ബാലയുടെ ഇൻസ്റ്റഗ്രാം, ഫേസ്ബുക്ക് പേജുകളിൽ കാണാൻ സാധിക്കും. എലിസബത്തിനെ കൂടെ കൂട്ടാത്തതിലെ അമർഷം പലരുടെയും കമന്റിൽ കാണാം. ബാലയുടെ ഡയലോഗ് ആയ 'ദിസ് ഈസ് റാങ്' പോലും ചിലർ കമന്റ് ആയി ഇട്ടിട്ടുണ്ട്

അടുത്തിടെ എലിസബത്തിന്റെ പേജിൽ തുടരണോ, വേണ്ടയോ എന്ന നിലയിൽ നിഗൂഢത നിറഞ്ഞ പോസ്റ്റ് വന്നിരുന്നു. എലിസബത്ത് എന്താണ് ഉദ്ദേശിച്ചത് എന്ന് പലരും ആശങ്കപ്പെട്ടിരുന്നു

ബാലയുടെ ഭാര്യ തന്നെയാണ് എന്നായിരുന്നു എലിസബത്ത് അധികം പഴക്കമില്ലത്ത ഒരു വീഡിയോയിൽ പറഞ്ഞിരുന്നത്. എലിസബത്തിനെ കുറിച്ച് ബാലയും നല്ല രീതിയിലാണ് സംസാരിക്കാറ്. എന്നിരുന്നാലും രണ്ടുപേരെയും ഒന്നിച്ചു കാണാൻ സാധിക്കാത്തത് ആരാധകരിൽ നിരാശ ഉണർത്തിയിരുന്നു

സോഷ്യൽ മീഡിയ വഴിയുള്ള പരിചയമാണ് ബാലയുടെയും എലിസബത്തിന്റെയും വിവാഹത്തിൽ കലാശിച്ചത്. മുൻപ് ഗായിക അമൃതാ സുരേഷുമായി ബാല വിവാഹിതനായിരുന്നു. ഇവർ നിയമപരമായി വേർപിരിഞ്ഞു